Vawiin khan Disaster Management & Rehabilitation Department leh CYMA tangkawpin ni 3 awh tur ‘Practical Training on Community-based Search & Rescue and First Aid’ chu CYMA Disaster Management Committee member te leh Aizawl khawpui chhunga YMA Branch hrang hrang aiawhte tan Central YMA Hall, Tuikhuahtlang-ah neih a ni. He Training hi Pu V.Sapchhunga, Director, DM&R in kaihruai a, Pu Nihar kanti Chakma, Minister, Disaster Management & Rehabilitation chu Khuallian niin Training a hawng.

Minister chuan Mizoram hi lirnghing thlen mai theihna Seismic Zone-V a nih thu leh inven lawk tak tak theih a nih si loh avanga chhiatna hrang hrang thlen thula chet lak dan erawh inbuatsaih lawk dan a awm thu sawi nawn lehin YMA-te chu tlawmngai pawl lian ber, member pawh ngah ber a nih avang hian hemi kawngah hian thathawh hlawk ber tur an ni, a ti. Vawiina zirhona hi midangte hrilh chhawnga a zau theih ang bera puanzar chu a tum ber pakhat a nih thu Minister hian a sawilang bawk.

Vawiina Training hi National Disaster Response Force (NDRF), Guwahati ten an pe a. NDRF hi chhitrupna lo thlen a hmarchhak bial bik tana chhanchhuah hna thawktu tura din an ni. NDRF hi India ram hmun 8 ah an awm mek a ni.