Vawiin Dec.10, 2009 hian Aizawl Bawrhsap hovin Krismas leh Kumthar vuakveta Aizawl khawpui chhung himna tur ngaihtuahin an thukhawm. He hunah hian Police lam chuan Aizawl hi Nov. 16 atang khan Sector 8-a thenin Police 10 zel Officer hoin an duty a, Dec 20, 2009 atang chuan sector tinah Police 20 zela duty tir tum a nih thu an sawi a, halpuah hal miah lo tura tan lak an tum a ni. Excise lam pawhin nasa takin tan an la mek reng a; Rangvamual leh phunchawng Area bakah zu leh ruih theih thil hluarna apiangah mipuite himna tura theih tawpa tanlak an tum thu tarlan a ni.
Security Committee te chuan mitinin hlim tak leh harsatna awm lova kristiante Kutpui ber Krismas leh kumthar lawmnaah hian mitin fimkhur taka awm theuh tur leh zu leh ruih theih thilah te, Motor enkawltu te zu laka inthiarfihlim tura an duh thu leh, vengtina VDP leh YMA te chu sorkar tanpui zawnga awm theuh turin an ngen nghal bawk a ni.
Zanlaia bike-a intlansiak te pawh an ngaihmawh thu sawiin, hetianga ti thinte hi man an n ih chuan na taka hrem an nih tur thu an sawi tel bawk.
