No.3237/2019-2020

State pawn atanga Mizoram lo luhna kawng NH- 306, Vairengte leh NH-154, Bairabi ah te hian ngawrh takin COVID-19 endik hna kalpui reng a ni a. Ni 22.03.2020 thleng a heng Screening point paltlang a endikna kalpui thin dinhmun chu a hnuai a tarlan ang hi a ni;

Screening Point ah te hian mi lo lut te zinkualna (Travel history) ngun tak a chhinchhiah a ni a, COVID-19 hri hmuhchhuah tawhna hmun atang a lo kal te chu Home Quarantine emaw, Facilitated Quarantine tur a tih an ni. Vawiin ni 23.03.2020 hian Kolasib a Quarantine ngai 31 awmin, anni hi ngun tak a endik an ni a, COVID-19 vei rinhlelhawm tumah an awm lo a, Quarantine Facility ah ni 14 chhung dah hran a enthlak an ni dawn a ni. 

Kolasib district-ah hian Quarantine Facility turin SIRD Hostel, Vengthar, Tourist Lodge, Vengthar, DIET Hostel,Kolasib, Regional Sports Training Centre Hostel, Saidan, Kolasib, PWD IB, Bairabi, Kawnpui Hockey Academy, Education IB, Vairengte, Minor Irrigation IB, Vairengte, PWD IB, Vairengte leh Tourist Lodge, Vairengte te ruahman a ni. 

Kolasib district chhung a COVID-19 chungchang thu belhchian dawl lo, Social media-ah te thehdarh a ni tih hriat a ni a. District Level Task Force on Corona Virus, Kolasib District chuan hetiang thil a thleng hi pawi a tiin, mipuite chiai loh nan DC Office, Kolasib leh DIPRO, Kolasib atang a thuchhuah siam te ngaichang thin turin mipuite a ngen nghal bawk a ni.