National Disaster Management Authority leh Mizoram State Disaster Management Authority te tangkawpa buatsaih State Workshop on Capacity Building in Hospital Safety, Mass Casualty and Hospital Disaster Management Planning, ni 2 awh tur chu vawiin khan ATI Auditorium ah tan a ni.

Workshop ah hian chhiatrupna lo thlen huna damdawiin ten ruahmanna fel tak hnuaiah chanvo leh mawhphurhna fel taka insema, tha taka an hna an thawh theih nana an lo inbuatsaih theih nan thupui hrang hrang hmangin zirho a ni a, he workshop hmanpui tur hian mithiam rual - Dr Muzaffar Ahmed, Member, NDMA, Govt. of India, Dr Ajay Desai, Director, Life Supporters Institute of Health Sciences, Mumbai, Lt.Col.(Dr) Ajay Badhwar, Sr. Specialist, NDMA, Hari Kumar, Geohazards, Structural & Non Structural measures in hospitals leh D.K.Tiwari, NDRF te an lo kal a, Mizoram hmun hrang hranga sorkar leh private hospital enkawltu leh hotu rual te an tel a ni.

Naktuk ah he programme hi chhunzawmin YMA member te tan Central YMA Hall, Tuikhuahtlang ah Pre Hospital Treatment and Pre Disaster Preparedness Training an hmang dawn bawk a ni.