4304/2025-2026

Lawngtlai, 5th February 2026: Vawiin khan Pu David Lalrinawma, Additional Deputy Commissioner kaihhruaiin a Office Chamber-ah dan lo va Lawngtlai District - lo lut thinte leh sumdawnna chungchang ngaihtuaha thutkhawm neih a ni.

Pu David Lalrinawma chuan kalkhawmte hnena lawmthu sawina a nei hmasa a. Dan lova Lawngtlai District - lo lut tur ven chu tihmakmawh leh hna hmasaa ngaih a tul thu a tarlang a. Mipuite zalen leh ralmuang taka an awm theih nan sawrkarin theihtawp a chhuah mek thu a sawi a. Lawngtlai District- chhunga Hotel/ Homestay- neite chu mikhual an neih dan felfai taka chhinchhiah tur leh DC Office lama report thehlut turin a chah a. Pu David Lalrinawma chuan Lawngtlai District- ah dan leh thupek tha taka kenkawh a nih tur thu sawiin, mipuite him zawk nan Kohhran, NGO, VC leh mipuite thawhpuiah a sawm nghal bawk.

Thutkhawmah hian thupawimawh tak tak sawiho a ni a. Dan lova lut an awm leh awm loh endik leh enfiah thin ni se, Assam Rifles- in permit an pekchhuah an nei em tih finfiah thin ni se tih a ni a. Permit- phal chin piahlam thlenga awmte zawnchhuaha thawnhaw ni se tih a ni a. FMR - piah lam thlenga lo lutte zawnchhuah hna Surprise Checking - neih ni se tih a ni bawk. Sumdawnna bikah LADC lam nen inrawn tlanga sumdawnna hmun tur felfai tak siam ni se, hemi hmunah chauh sumdawnna kalpui phal ni se tih niin, Trade License - uluk taka endik ni se tih a ni a. A hma lamin LADDC, MADC, Siaha leh Lawngtlai District - Official leh NGO - te nen thutkhawm neih ni se tia rel a ni.

Thutkhawmah hian Addl. DC, Addl. SP, SDC leh President, CYLA - te an tel thei a, Pu David Lalrinawma chuan lawmthu sawina neiin hun a khar.