1017/2025-2026
Aizawl, 01.07.2025: Aizawl District Magistrate Er. Lalhriatpuia, Deputy Commissioner, Aizawl District ni bawk chuan a hnuai ami ang hian thupek(dt. 25.06.2025) a chhuah:
Sawrkar hriatpuina tel lova lirthei-a kuhva phurh/tawlh hi dân kalh tlat a ni a. Aizawl District huamchhungah dân phal lohva kuhva phur an awm loh nan khapna thupek chhuah a lo ngai leh ta a.
Chuvangin, kei, Er. Lalhriatpuia, IAS, District Magistrate, Aizawl District hian BNSS 2023 Section 163 in thuneihna min pek angin a hnuaia tarlan ang hian thupêk ka chhuah e:
"Aizawl District chhung khawi hmunah pawh Dân in a phal bak chin Kuhva leh bungrua reng reng lak luh leh phurh khap tlat a ni".
He thupêk bawhchhia chu BNS 2023 Section 223 hnuaiah hrem theih an ni ang a. Thupêk hi tihtawi a nih loh chuan, puan a nih atanga thla hnih (2 months) chhung a huam ang.
He thupêk hi vawiin 25 June, 2025 hian District Magistrate Seal-a nemnghetin hming ka ziah hnan e.
