469/2023-2024

Mamit 17th May, 2023 : Dapchhuah Branch YMA-in hun rei tak luidung an humhalh tawh chu Ni 13.5.2023 (Inrinni) zing dar 3:19 khan Bomb hmanga vawm a ni a. Bomb hmanga vawmtute Motor hi tlanchhiain um zui nghal a ni a. Rang takin Rawpuichhip Forest Check Gate a Duty te hriattir niin duty te'n Motor hi an lo tiding a, Motor park tha tur anga insawiin an tlan chhe chhunzawm ta a. An din lai hian an hmanraw hman bang Bomb leh Lensuah chu kawngchhak lamah vawm chhuakin an tlan liam hnu hian an hmanruate hi chhar a ni.

Luidung Bomb hmanga beitute chhuizui tur hian Phaileng PS-ah FIR thehluh anih angin anni hian reilote chhungin Bomb hmanga luidung beitute hi an chhui chhuak thei a. Hemi kaihhnawihah hian mi 4 te chu nimin May Ni 16, 2023 khan man an ni.

Mi 4 te hi The Mizoram Fisheries (Amendment) Act, 2022 section 6 (1) (a) an bawhchhiat avangin Fisheries Act Section No. 6(2) hmanga hrem an ni ang. 

DFDO Mamit chuan luidung humhalh lai Bomb hmanga beihna hi tun chinah thleng nawn tawh lo se, The Mizoram Fisheries Act, 2022 bawhchhe lo hram hram turin mitinte a ngen nghal bawk a ni.

Attachment

  • Loading attachment...