No.7738/2020-2021

Mamit 9th March, 2021 : Vawiin khan ATMA Mamit District leh ICICI Foundation bultumin Darlak khua-ah Vawkvulhtute tan capacity building programme for piggery farmers buatsaih a ni.

He hunah hian Pu Pumgothang, Manager, ICICI Foundation chuan thu sawiin nakin zelah Aspirational District, Mamit chhunga hma an lak chhoh zel theih tur thu leh ATMA nena thawkho a, hma thar lak chhoh zel dan turah ruahmanna siam tum a nih thu a tarlang.

Nihnih awh Capacity Building Programme on "Pig rearing and its Management for Livelihood improvement of Aspirational District of Mamit, Mizoram" tih thupui hmanga Darlak khua-a vawkvulhtute tan zirtirna pekah hian Vawkvulha ei zawng mi 32 an tel a, Training-a telte hian hlawkthlak an tiin tun hmaa harsatna an lo neih tawhte sutkian dan tur mithiamte'n an sawi chu lawmawm an tih thu an sawi a, vawkvulhtute tan hmasawnna a thlen ngei an beisei thu leh sum lakluh kawngah pawh a pun phah ngei an beisei thu vawkvulhtute hian an sawi a ni. 

ATMA, Mamit District leh ICICI Foundation thawk dunin training an buatsaih hi ICICI sponsored niin Dr. M.Chinlampianga, Project Director, ATMA Mamit District chuan a kaihruai a. Dr. C.Lalchhuanawma, BTM, ATMA West Phaileng Block chu Resource Person niin  zirtirna a pe a ni.