All Mizoram Farmers Union buatsaih Farmers’ Meet chu nimin khan Darlawn Community Hall-ah neih a ni a. Agriculture, Horticulture etc. Parliamentary Secretary Pu K.S. Thanga’n a hmanpui.
Kut hnathawktute puala inkhawmah hian Pu K.S. Thanga chuan tuna Mizoram sorkar thar lo piang hian Mizo mipuite retheihna hriain a chhanchhuahnan cheng vaibelchhe tam tak sengin NLUP chu a kalpui thuai dawn a ni, a ti a. NLUP chu dawngdahna leh thatchhiatna thlentu tur nia ngai lui tlat te chu lo in thliarfihlim mai zawk tura chahin he policy hi hmang tangkai thiama eizawnna ngelnghet leh dinchhuahpui tum zawk turin Zoram kut hnathawktute chu a sawm a ni. Sorkar hmalakna dodal lova a ti hlawhtling tumtu ni theuh tura chahin sorkar hmalakna hrang hrang dipdal zawnga che te chu sorkar pawhin a dim bik lo anga insawipuiin awmzia a nei bawk lovang a ti.
Parliamentary Secretary tawiawmtu Pu C. Lalzarliana, Jt. Director, Agriculture deptt leh Pu Rosanglura, DHO, Aizawl te pawhin kut hnathawktute tana thil hriattur tangkai pawimawh tak tak an sawi a. AMFU General Hqrs. President Pu R. Lalduhawma pawh he meet chhimtu zingah hian a tel a, Darlawn leh a chhehvel khua atangin kut hnathawka eizawng mi 600 chuang he meet-ah hian an tel a ni.
Parliamentary Secretary tawiawmtu Pu C. Lalzarliana, Jt. Director, Agriculture deptt leh Pu Rosanglura, DHO, Aizawl te pawhin kut hnathawktute tana thil hriattur tangkai pawimawh tak tak an sawi a. AMFU General Hqrs. President Pu R. Lalduhawma pawh he meet chhimtu zingah hian a tel a, Darlawn leh a chhehvel khua atangin kut hnathawka eizawng mi 600 chuang he meet-ah hian an tel a ni.
