3131/2022-2023

Lunglei the 22nd December, 2022 - NH-54 kawngpui siam hna kal mekah Dawn, Lunglei District khaw dai kawng laih mek chu 17th December, 2022 (inrinni) khan min in, motor tlan theihlovin kawng a hnawh a ni.

Helai dinhmun hrechiang tur leh kawng a tlang thuai na tura hmalak tul te enfiah turin vawiin khan Lunglei Additional DC Pu Donny Lalruatsanga hovin site inspection neih a ni. Inspection ah hian Pu Ruhul Amin Choudhury, Manager (Projects), NHIDCL, Pu Prafulla Borgain, Sr. GM ABCI,
Pu K. Larchhuakmawia VCP Dawn te leh khawtlang hruaitu dangte bakah helai hmuna ram neitute an tel a ni.

NHIDCL leh helai hna thawktu contractor ABCI hotute report danin leimin chhan chu helai leilung a ngheh tawkloh avang a ni a. Leimin thenfai hna hi uluk taka kalpui mek niin ni 5 hnuah chuan motor tlan theiha an thenfai hman an in beisei thu an sawi.

Pu Donny Lalruatsanga chuan NH 54 chu kawngpui pawimawh tak anih avangin a tlang leh thuai theihnan contractor-te chu chak zawka hma la tur leh a tul anga khawl te pawh dah belh turin a hriattir a. Chhiatna nasa zawk thleng thei laka inveng chungin an hna chu fimkhur leh uluk taka thawk turin a chah a ni.

He leimin avang hian kawng siamna tur atana ram lak (acquire) tawh aia zau lak a ngai dawn a. Hemi chungchang pawh hi vawiin inspection ah hian ram neitu mi pathum te nen ngaihtuah ho nghal niin compensation pel belh tur chungchang pawh chinfel nghal a ni.