No.587/2021-2022
Mizoram Sorkar-in Order No.B.13021/101/2020-DMR/Vol-IV Dt.18.5.2021 a chhuah bawhzuiin a hnuai ami ang hian dawr/chawhmeh bungrua semchhuah/lak chungchangah hriattirna chhuah a ni.
I : A : Dawr bungraw sem chungchang
Thawhtanni (Monday) leh Ningani (Thursday) zan dar 8:00 atanga zing dar 4:00 inkarah distributor/wholesaler-te’n LLTF/VLTF hriatpuina-in zuar chhawng turte (retailer) hnenah bungrua an sem chhuak thei ang. Hei hi Monday zan leh Thursday zan atan chauh a ni ang.
ii) Distributor/wholesaler-te dawr/kudam-ah bungrua la tura zuar chhawng tur (retailer) an kal khap a ni.
iii) Wholesaler/distributor-ten an motor hman tur leh hnathawktu turte list Deputy Commissioner hnenah an thehlut hmasa tur a ni. Email : dcofficeaizawl@gmail.com ah emaw whatsapp kaltlangin 8787451776 ah list hi a thlalak/soft copy thehluh theih a ni.
B : Dawr bungraw lak chungchang
i)Eichawp dawr hawn ni (Tuesday leh Friday)-ah loh theih loh avanga dawr bungraw lak mamawhna a awm chuan dawr neitu leh zuar chhawng tur (retailer) te inbelawk (pre-order) hmasa-in LLTF/VLTF phalna-in bungrua lak theih a ni ang. Dawr neituten pungkhawm awm lova dawr bungrua an lo pek theih nan bungraw lak theih hun tur (darkar) an siam zel anga, chumi hun atan chauh chuan dawr bungrua latu chu kalchhuah phal a ni ang.
He thupek hi zawm ngei a ni em tih LLTF leh Executive Duty ten uluk takin an enpui anga, dan bawhchhiate chu dan angin an hrem zel ang.
II : Thlai/Chawhmeh/sa
Chawhmeh/sa zawrh tur chu LLTF hriatpuina-in Thawhtanni (Monday) leh Ningani (Thursday) zan dar 8:00 atanga zing dar 4:00 inkarah a hlawma lakna hmun atangin lak theih a ni anga. An lakna hmunah emaw an zawrhna tur hmunah emaw thutchilh nghal phal a ni lo. LLTF-te’n chawhmeh/sa zuarte thutna hmun tur hi a hmaa tihdan angin mipui punkhawm tlem theih dan tur berin leh social distancing tha thei ang bera vawn a nih theih nan ruahmanna an siam ang. Tin, Executive Duty leh LLTF/VLTF ten uluk takin an vil anga, dan bawhchhiate chu dan angin an hrem zel ang.
