No.1863/2020-2021

Aizawl DC chuan Govt. of Mizoram, DM&R Deptt. Order No.B.13021/101/2020-DMR/Pt- III Dt. 8.6.2020 Para D-in a sawi angin Aizawl khawpui chhunga dawr leh sumdawnna hmun kalpui dan tur chu mipuite hriat atan leh Local Level Task Force ten mahni area theuha an zawm atan a hnuai ami ang hian thupek a tichhuak

1. AMC area chhungah dawr hawn khap a ni.

2. Damdawi dawr erawh hawn phal a ni.

3. Nitin mamawh (essential commodities) zuar, ran damdawi zuar, clinic-te, thlai chi leh lei tha zuar, kut hnathawktute hmanraw mamawh zuar, bungraw phur motor mamawh oil leh spare parts zuar dawrte chu a mamawh dan a zirin Local Task Force te hriatpuiin tlai dar 5 thleng hawn phal a ni.

4. Dawr nghaktute leh dawra thil leitute reng rengin mask an vuah ngei tur a ni a. Social Distancing hi vawn reng tur a ni. A chunga Sl. No. 3-a dawr sawite hi Local Task Force ten an veng chhunga nikhata hawn tur zat leh hawn hun chhung chu tha an tih angin an kalpui ang. Heng dawrte hi hawn ngei ngei tur ni lovin mamawh leh tul dan a zira hawn chauh tur a ni. Thlai leh chawhmeh zuarte hi Local Task Force ten fel takin ruahman pui ni se.

AMC area pawn Aizawl District chhung khuaahte chuan Village Level Task Force in tha a tih angin an kalpui ang.