No.987/2021-2022
Aizawl 15th June 2021: Vawiin khan Aizawl DC chuan Dawrpui Veng hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai a mi ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizawl DC Office lehkha No. C.16011/298/2020-DC(A)/Lockdown Dt. 21/05/2021 hmangin Dawrpui Veng hmun thenkhat chu Containment Zone/Area puan a lo ni tawh a. Tin, Aizawl DC Office lehkha No. C.16011/298/2020-DC(A)/Lockdown Dt. 09/06/2021 hmangin Dawrpui Veng Containment Zone/Area-a puan tawh chu sawrzim Order chhuah a lo ni tawh bawk.
Chief Medical Officer, Aizawl East in zirhchianna leh a tul anga hma a lak hnuin tun dinhmunah Dawrpui Veng, New Market area ah hian mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian Dawrpui Veng Containment Zone/Area-a lo puan tawhna chu 16.6.2021 (Nilaini) Zing dar 4:00 atangin hlih nghal a ni.
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e
