No.1147/2021-2022

Aizawl 26th June 2021: Aizawl DC chuan Dawrpui Veng hmun thenkhat Micro-Containment Zone/Area-a puan a nih thu a chhuah a. Hemi chungchanga DC thuchhuah chu a hnuai a mi ang a ni e.  

Aizawl khawpui chhungah COVID-19 positive hmuhchhuah a pung zel a. Veng thenkhatah chuan COVID-19 punna hi a tam zualin, heng vengte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

Chuvangin, Regulation  11(1)  of  the  Mizoram  Epidemic  Diseases  (COVID-19)Regulations, 2020 behchhanin Dawrpui Veng hmun thenkhat chu Containment Zone/Area-ah puan a lo ni tawh a. Chief Medical Officer, Aizawl East in a zirchianna leh a tul anga hma a lak hnuin Dawrpui Veng hmun thenkhatah hri kai thar an awm belh zel avangin hmun thenkhat Micro-Containment Zone/Area-a puan a rawn rawt a. He rawtna ang hian a hnuaia Dawrpui Veng hmun tarlante hi ni 26.06.2021 (Inrinni) Zan dar 10:00 atangin Micro-Containment Zone/Area-ah puan a ni.

DAWRPUI VENG (Micro-Containment):

Dawrpui Chawngbawla Section area ah heng building te hi Micro-Containment tura tih a ni.

i) Pu Lalthuama Building (H/N – W-21)

ii) Pu R Rokhuma Building (H/N – W-34)

 Heng Micro-Containment Zone/Area chhunga khawsa, harsatna neite tan a  hnuaia mite hi biak pawh theih an ni ang.