No.4004/2021-2022

Aizawl 15th February 2022: Red zone puan leh hlih chungchang bakah Red Zone huam chhunga inkaihhruai dan turah a hnuaia tarlan ang hian Aizawl Diatrict Bawrhsap Dr Lalhriatzuali Ralte chuan thupek a chhuah.

Aizawl District chhunga CoVID-19 hri darh dan ni 8.02.2022 atanga ni 14.02.2022 thleng Chief Medical Officers-te hnen atanga zirchianna dawn angin incidence rate chhut a ni a. Health & Family Welfare Department-in kaihhruaina a duan vide No.D.33011/39/2022-HFW(SOP) dated 31^st January, 2022 angin zone classification siam a ni a, CoVID-19 incidence rate mi 1000 zela mi 10 aia sang positive nei te chu Red Zone-ah dah an ni.

Incidence rate hi CoVID-19 ni sarih chhung positivity rate leh population atanga chhut thin a ni, hetiangin:

Incidence rate = Hri vei hmuhchhuah zawng zawng (7days) x 1000 ( for 7 days ) Veng/Khua-a mihring cheng zat (Population)

Section-34(b)(c)(m) of the Disaster Management Act, 2005 leh Health & Family Welfare Department-in inkaihhruaina (Operational Guidelines) a tihchhuah vide No.D.33011/39/2022-HFW(SOP) dated 31st January, 2022 angin Dr. Lalhriatzuali Ralte IAS, Deputy Commissioner & Chairman, DDMA, Aizawl District chuan a hnuaia veng/khua te chu ni 15.02.22 (Thawhlehni) Zanlai dar 12:00 atanga ni 22.02.22 (Thawhlehni) Zanlai dar 12:00 thleng Red Zone-ah a puang.

Red zone hi Deputy Commissioner-in ni sarih danah zel a puang thin anga, DC thuchhuak lo chuan mahni thua in hlih/puan phal a ni lo.

A hnuaia Veng/Khua tarlan ni lo, Order lo tihchhuah tawh vide No.C.16011/1/ 2022- DC(A)/RZ dated 08.02.2022 hmanga Red Zone-a puan tawh te chu hlih nghal a ni.

Sl. No.	Veng/Khua	Incidence Rate
1.	Kepran	48.45
2.	Thakthing	45.45
3.	Muallungthu	40.95
4.	Model Veng	36.92
5.	Aibawk	32.36
6.	Durtlang	30.83
7.	Phulpui	30.02
8.	Mission Veng	28.27
9.	Saikhamakawn	26.09
10.	Zonuam	25.55
11.	Zotlang	24.49
12.	Sihphir Venghlun	23.91
13.	Khatla East	23.45
14.	Seling	23.38
15.	North Lungleng	23.33
16.	Republic Vengthlang	22.92
17.	Durtlang North	22.62
18.	Muthi	22.06
19.	Phulmawi	20.20
20.	Ramhlun North	19.93
21.	Kulikawn	19.92
22.	Chite Veng	19.63
23.	Lungleng-I	19.31
24.	Chaltlang	19.12
25.	Sialsuk	18.44
26.	Venghnuai	18.30
27.	Ramhlun Venglai	18.17
28.	Upper Republic	17.81
29.	Thingsul Tlangnuam	16.96
30.	Khatla	16.74
31.	Samtlang	16.59
32.	Mission Vengthlang	16.57
33.	Hunthar	16.51
34.	Selesih	16.49
35.	Vaivakawn	16.31
36.	Tuikhuahtlang	16.11
37.	ITI Veng	16.00
38.	Tlangnuam	15.90
39.	College Veng	14.74
40.	Khatla South	13.85
41.	Tlungvel	13.29
42.	Durtlang Leitan	13.04
43.	Luangmual	13.00
44.	Nursery Veng	12.90
45.	Tachhip	12.80
46.	Dawrpui Vengthar	12.14
47.	Zemabawk	11.95
48.	Chawnpui Veng	11.59
49.	Bethlehem Vengthlang	11.19
50.	Armed Veng	11.09
51.	Hualngohmun	11.04
52.	Bungkawn	10.44
53.	Zarkawt	10.31
54.	Falkawn	10.29

Orange Zone leh Green zone huam chhunga veng/khua awmte pawh hrikai darh dan dinhmun azirin Red zone a puang kherlo pawhin Containment zone-ah puan theih a ni.

Red Zone Veng/Khua ah te hian hrileng a darh zel loh nan leh mipuite an lo him zawk nan a hnuaia inkaihhruaina hi an zawm tur a ni a, Health & Family Welfare Department in revised guidelines on Covid-19 contact tracing vide No.D.33011/39/2021-HFW(SOP)/Pt III dated:31.12.2021 hi zawm a nih ngei theih nan LLTF/VLTF ten hma an la ang(Annexure 2).

I. Red Zone huam chhunga luh leh chhuah chungchang:

Heng a hnuaia mite hi a hranpa a dilna siam ngai lova luh leh chhuah phalsak an ni:

1. Deputy Commissioner Office-a thawk te.

2. Damdawi lam a thawk.

3. Home, H&FW, Police, Home Guards & Civil Defence, Fire & Emergency Services, Disaster Management, Civil Aviation, Prisons, Excise & Narcotics, Municipal Services, Forest Field Works, PHE, I&PR, P&E, FCS&CA, IF&SL, ICT leh NIC Department a thawk leh Accredited Media persons te.

4. Mizoram Legislative Assembly Secretariat, Court leh Judiciary a thawk te.

5. Private tui phur motor-te.

6. Bawlhhlawh paih motor.

7. Zirlai Exam nei.

8. Deputy Commissioner leh Incident Commander-in phalna a pek te.

9. LLTF/VLTF Duty leh LLTF/VLTF in phalna a pek te.

10. Office hnathawk te pawh red zone-a awm te chu a tul tawpkhawk loah chuan chhuah loh tur a ni a, chhuah tul an awm chuan an thawhna Department Head of Office/Department-te detailment order an nei tur a ni.

11. Tul bik thil leh damlohna thil a zin chhuak leh khaw chhunga lut turte chu Incident Commander/LLTF/VLTF te’n uluk taka zir chiangin, phalna an pe thei ang.

II. Office hawn chungchang:

Red zone huam chhunga awm office te chu sawrkarin SOP a tihchhuah zulzuia hawn tur a ni a. Head of Office ten inkaihhruaina felfai tak CAB kenkawh anih theih nan ruahmanna an siam tur a ni.

III. Puipunna leh inkhawm chungchang:

1. Mipui punkhawmna leh programme chi hrang hrang - anniversary, birthday, kohhran leh pawl hminga thil tih leh inhmuhkhawm, inkhawm leh hnatlang te khap a ni a. Infiamna, ennawm hmun te khar vek tur a ni.

2. Inneihna leh mitthi vuina ah chuan mi 50 aia tam lo emaw a hmun a leng zat chanve, a tlem zawk zawk kalkhawm phal a ni. He hmuna kal te chuan CAB an zawm ngei ngei tur a ni.

IV. Hnathawh leh dawr hawn chungchang:

1. Hnathawktu ten an awmchilhna hmunah chuan CAB zawm chungin hnathawh phal a ni.

2. Nitin mamawh leh eichawp dawr, damdawi dawr, sa leh thlai zawrhna te chu nitin hawn phal an ni. Heng bak dawrte chu Odd leh even category ah then an ni a, an in hawn dan tur chu Annexure-1 ah tarlan a ni.

3. Dawr nghak tu te chuan vaccination certificate an neih chuan phochhuah theih turin an kawl tur a ni. An mahni dawrtu te chuan mask an vuahin social distancing an zawm ngei theih nan hma an la tur a ni, a reilo thei ang ber an in dawr thin tur a ni.

4. Santizer chhawp vek tur a ni.

5. Dawr chhungah dawr nghaktute nilo chu inleng emaw dawrtute emaw te chu thut khawmuan phal a ni lo.

6. Dawr nghaktu leh dawrtu ten engtik lai pawhin hnar leh ka uluk taka khuhin mask an vuah reng tur a ni.

7. Dawr chhung leh pawnah dawr tute inhlat thei ang bera an awm theih nan dawr neituten ruahmanna an siam ang.

8. Online shopping leh delivery te midang nena intawk lo in kalpui phal a ni. He thupek hi veng/khawtina Police/Executive Duty/CABIT/LLTF/VLTF-ten khauh takin an kengkawh tur a ni.

V. Duty chungchang:

1. Deputy Commissioner-in Executive duty a dah/dah belh thin ang.

2. CAB Implementation Team leh LLTF/VLTF-te uluk takin an duty thin anga, hmun pawimawh laiah tul lova mipui chhuah vahna a tlem theih nan leh khuahkhirh anih theih nan an duty anga, a khat tawkin veng chhungah patrolling an nei thin ang.

3. Red zone chhungah hian Police duty pawh dah/dah belh turin Sr.SP, Aizawl in ruahmanna a siam ang a, uluk takin an duty thin ang.

VI. Red Zone huam chhungah hian Rapid Response Team(RRT) ten CMOs kaihhruaina in Active Case Search leh dih hmun thlithlaina (Surveillance) an nei thin ang.

a. Incident Commander te leh VLTF-te nen uluk taka veng dinhmun an thlirho hnuah Containment Area a puan, a tul dan report/recommendation Deputy Commissioner hnenah an thlen thin ang.

He thupek bawhchhia an awma man an nih chuan, Disaster Management Act, 2005 Section- 34(b)(c)(m) leh IPC Section 188 (thla 6 lung in tan emaw Rs. 1,000/- chawi emaw, a pahniha hrem kawp emaw) hmangin hrem an ni ang.

Annexure - 1