No.2272/2021-2022 

Aizawl the 17^th September, 2021 : Aizawl khawpui chhungah COVID-19 positive hmuhchhuah a pung zel a. Hmun thenkhatah chuan COVID-19 punna hi a tam zualin, heng hmun te dinhmun hi zirchian a nih hnuah COVID-19 hrileng darh zel tur venna atan Restricted Area-a puan a ngai tih hmuh a ni.

ITI Veng Local Level Task Force leh Chief Medical Officer, Aizawl West in zirchianna a neih hnu leh a tul anga hma a lak hnuin, ITI Vengah COVID-19 vei engemaw zat an awm avangin Restricted Area-a puan rawtna a rawn thlen a.

Chuvangin, Section-34(b)(c)(m) of the Disaster Management Act, 2005 behchhanin ITI Veng pumpui chu Ni 18.09.2021 (Inrinni) Zing dar 4:00 atanga Ni 25.09.2021 (Inrinni) Zing dar 4:00 thleng Restricted Area-ah puan a ni.

Restricted area a puan chhungah hian Deputy Commissioner leh a aiawh ten phalna a pek chauh lo chu mi tumah an lutin an chhuak tur a ni lova. Restricted Area a puan hun chhung hian Chief Medical Officer, Aizawl West ten a tul angin Active Case Search leh follow up an neihpui ang a. Hrikai dinhmun uluk taka a thlithlai ang zelin, Chief Medical Officer, Aizawl West-in Deputy Commissioner hnenah report a pe thin ang a,a tul angin ruahmanna a siam thei ang.

Tin, Restricted area puan hun chhung hian a hnuaia inkaihhruaina siamte hi zawm tur a ni.

1. ITI veng chhungah phalna nei leh inkhuahkhirhna (Restriction)-in a huamloh (Exempt) te bak mi tumah luh phal a ni lova, veng danga kalchhuah phal a nilo bawk. ITI Veng paltlang turte ding lova tlan/ kaltlang tur a ni.

2. ITI Vengchhungah Sumdawnna hmun hrang hrang leh mipui punkhawmna hmun khar tur a ni a. Hei hian Kohhran tawngtai Inkhawm leh Infiamna hmun a huam ang.

3. Sa leh Thlai zawrhna te Ni 7 chhung khar tur ani ang. Damdawi dawr erawh zing dar 6 atanga tlai dar 5 thleng nitin an inhawng thei ang.

4. Hnathawh chungchang :

i) Vengchhung inkhuahkhirhna hman chhung hian, Hnathawh phal a ni lo ang.

ii) Chhiatrupna thleng  thei      tur        thilah    chuan  Incident           Commander hriatpuina a thawh theih a ni ang.

5. Loh theih loh a luh leh chhuah ngai:

a) Medical emergency case leh chhiat leh that chungchangah LLTF in permission an pe ang.

b) Case dang ah chuan Incident Commander te leh LLTF in an be rawn ang a, Incident Commander-in a tul dan in permission a pe ang.

6. Executive Duty (Chhunleh Zan) dah a ni ang.

7. Vengchhung Inkaihhruaina hman chhung hian awmze neiin Testing kalpui tur a ni a. Test tur atana thlan Area te kim taka an in Test theih nan theihtawpa hmalak a ni ang. LLTF-in ruahmanna a siam angin kalpui tur a ni.

8. Hri tai darh dan a zirin Restricted Area puan hun chhung hi pawh sei theih a ni ang.

9. Restricted Area huamchhungah chhuanchham an awmloh nan LLTF in theih tawp a chhuah ang.

10. Thenawm khawveng inlenpawhloh tur a ni a. Building pakhat a chhungkaw hrang hrangte pawh inlenpawhloh tur a ni. Covid-19 Appropriate Behaviour (CAB) tha taka zawm tur a ni. SOP leh CAB zawmlote chu Dan angin hrem an ni ang. Executive leh LLTF te khauh takin vengchhungah an duty ang.

11. Veng chhunga sawrkar hnathawkte chu loh theih loh a kal ngai te chauh chhuah theih a ni a, a hnuaia tarlan angin kalpui tur a ni.

A huamloh tur te:

1. Damdawi lama thawk te (Medical Duty).

2. Home Department a thawk te.

3. Deputy Commissioner Office-a thawk Officers leh Staff te.

4. Thu thar thehdarhtute, Chanchinbu sem, Cable & Communication Service.

5. PHE (Tuisem).

6. Bawlhhlawh paih motor.

7. Zirlai Exam nei te.

8. Bawnghnute sem.

9. Private Security.

10. P&E Department.

11. Police Duty

12. Disaster kaihhnawih buaipuitu te.

13. Sorkar hnathawh pawimawh nei, loh theih lova kal ngaite (Controlling Officer ten detailment order an siam sak ang. Hei hi LLTF leh Executive duty te en theih turin an kawl tur a ni).

14. Chhiat tawh leh medical emergency avanga chhuah ngai LLTF hriatpuina nei te.

Restricted Area chhunga harsatna neite tan a hnuaia mite hi biak pawh theih an ni ang.