No.2074/2021-2022

Aizawl the 31^st August, 2021 : Aizawl khawpui chhungah COVID-19 positive hmuhchhuah a pung zel a. Hmun thenkhatah chuan COVID-19 punna hi a tam zualin, heng hmunte dinhmun hi zirchian a nih hnuah COVID-19 hrileng darh zel tur venna atan Containment Zone/Area-a puan a ngai tih hmuh a ni a.

  Chief Medical Officer, Aizawl East in zirchianna a neih hnu leh a tul anga hma a lak hnuin, Bawngkawn Vengah COVID-19 vei engemaw zat an awm avangin Restricted Area-a puan rawtna a rawn thlen a. Chuvangin, Section-34(b)(c)(m) of the Disaster Management Act, 2005 behchhanin Bawngkawn Veng pumpui chu Ni 01.09.2021 (Nilaini) Zing dar 4:00 atanga 08.09.2021 (Nilaini) Zing dar 4:00 thleng Restricted Area-ah puan a ni. 

Restricted area a puan chhungah hian Deputy Commissioner leh a aiawh  ten phalna a pek chauh lo chu mi tumah an lutin an chhuaktur a ni lova. Restricted Area a puan hun chhung hian Chief Medical Officer, Aizawl East ten a tul angin Active Case Search leh follow up an neihpui ang a. Hrikai dinhmun uluk taka a thlithlai ang zelin, Chief Medical Officer, Aizawl East-in Deputy Commissioner hnenah report a pe thin ang a, a tul angin ruahmanna a siam thei ang. 

Restricted area puan hun chhung hian a hnuaia inkaihhruaina siamte hi zawm tur a ni. 

1. Bawngkawn Veng chhungah phalna neite leh inkhuahkhirhna  (restriction)-in a huam loh (exempt) te bak mi tumah luh phal a ni lova, veng dangah kal chhuah phal a ni lo. Bawngkawn paltlang turte chu ding lova tlan/kal tlang tur a ni. 

2. Sumdawnna hmun, Bank leh Office, etc khar vek tur a ni. 

3. Bial Inkhawmpui Rorel, Innei tur ten Deputy Commissioner thurawn angin kal tur a ni ang. 

4. Executive Duty (Chhun leh Zanah) dah a ni ang. 

5. Hnathawh chungchang: 

i) Mahni compound chhungah bak hnathawh phal a ni lova, laklawh nei theite pawh lo insiamrem tur a ni ang. Hnathawhnaah hian hnathawktu-in a awm chilh tur a ni a, pawnlam atanga hnathawk tura luh leh chhuah phal a ni lova, bungraw awmsa hman tur a ni. 

ii) Chhiatna thlen theihnaah chuan Incident Commander hriatpuina-in thawh theih a ni ang. 

6. Restricted Area-a puan tukah Section hrang hrangah Sample lakna hmun siamin sample lak a ni anga, hemi hnuni 5-naah Serial Testing neih leh a ni ang. 

7. Vengchhungah chhuanchham leh eibar thila harsatna tawk an awm loh nan LLTF in uluk takin vengchhung an vil ang. 

8. Hri a taidarh dan azirin Restricted Area puan hun chhung hi pawh sei theih a ni ang. 

9. Thenawm khawveng inlenpawh loh tur a ni a, Covid-19 Appropriate Behaviour tha taka zawm tur a ni. SOP leh CAB zawm lote chu dan angin hrem an ni anga, Executive Duty leh LLTF te khauh takin vengchhungah an duty ang. 

A huam loh turte: 

1. Damdawi lama thawk te. 

2. Home Department a thawk te. 

3. Thu thar thehdarhtu te, Cable & Communication Service. 

4. Tuisem leh tui chawi. 

5. Bawlhhlawh paih. 

6. Exam pawimawh nei. 

7. Bawnghnute sem. 

8. Private Security. 

9. P&E Department. 

10. Disaster kaihhnawih buaipuitu te. 

11. Sorkar hnathawh pawimawh nei, loh theih lova kal ngai te. 

12. Chhiat tawh leh medical emergency avanga chhuah ngai LLTF hriatpuina nei te.  

Restricted Area chhunga harsatna neite tan a hnuaia mite hi biak pawh theih an ni ang.