3405/2023-2024
Aizawl the 19th January, 2024 : Mizoram PWD ten Champhai leh Zokhawthar inkar (Melbuk peng/kai atanga Zokhawthar inkar NH-6) kawngpui siam hna an thawk mek a. He lai kawng siam hna hi chak taka thawh anih theih nan leh mipuite chhiatrupna laka kan lo him zawk theih nan Government of Mizoram Notification No. B.12021/10/2004-TRP Dt.01.06.2020 leh Motor Vehicle Act 1988 (act 59 of 1988J Section 115 in thuneihna a pek angin a hnuai ami ang hian Champhai DC chuan thupek a chhuah.
Dt.20.01.2024 (Inrinni) atangin Melbuk kai/peng atanga Zokhawthar inkar kawng siam hna zawh anih hma chu lirthei eng chi mah tlan phal a ni lo. Mizoram PWD ten kawngpui siamthat hna an thawh chhung hian Champhai to Zokhawthar kawnghlui (via Melbuk) ah lirthei zawng zawngte kal tur ani ang.
He thupek hian Law & Order duty, medical emergency leh rikrum thil a chetvelna a huam lo ang.
