No.4071/2020-2021

61st BSF Zotlang MT Area – a awm BSF mi 5 te Covid-19 positive an ni tih hmuh chhuah an nih avangin an awmna lai hmun hi luh leh chhuah phal lohna hmun ( Containment area) atan puan a ngai a.

Chuvangin MT area “BSF main gate chhim lam leh hmar lam main gate ( Laipui awmna) inkar” chu containment area atan puan a ni. Deputy Commissioner – in phalna a pekte, Medical duty, Police duty leh duty pawimawh nei VLTF leh Sorkar Department emergency duty – te bak helai hmunah hian mi tumah an lutin an chhuak tur a ni lo.

Lirthei veivakte chuan helaia kawngpui hi an zawh thei anga, lirthei tih din erawh chu phal a ni lova, mi tumah lirthei atangin an chhuk tur a ni lo.

He thupek hi regulation 11(1)(b) of the Mizoram Epidemic Diseases (COVID-19) Regulations, 2020 hmanga chhuah a ni.