No.5089/2020-2021
Lunglei DC chuan Dt 11.9.2020 khan hetiang hian Hriattirna a tichhuak a ni. District Level Task Force, Lunglei meeting Dt.21.8.2020-a neihin a rel anga Covid-19 laka kan invenna leh himna tura ni 21.08.2020 a hriattirna a lo chhuah tawh chu kan hun tawn mek boruak thlirin Lunglei District mipuite kan lo him leh zual nan a hnuaia mite hi mipui ten zawm turin kan inngenin kan inhriattir nawn leh a ni.
1. Tunhnaiah Aizawl-a veng engemawzatah Covid-19 positive hmuhchhuah thar an awm a. Hetiang hi kan thil tawn dan a nih avangin Aizawl atanga Lunglei District-a rawn lutte chu VLTF te hnenah in report zel tur a ni.
2. Positive hmuhna veng atanga Lunglei District-a lut kan awm a nih chuan mahni chenna veng VLTF te hnenah leh contact tracing team-te hnenah in report tur a ni. Contact Tracing Team-te hnena in report-na tur number-te a hnuaiahah hian tarlan a ni.
6033151202/8413844758/8014754337/7760159282/8014127112
3. Tunlaiin khua/hmundangah Covid-19 positive hmuhchhuah a nih avangin loh theih loh a nih loh chuan zin veivak lo turin mipuite kan inngen a. Positive hmuhna khuaa zin tur kan awm a nih chuan mahni awmna veng VLTF hnenah in report hmasak zel tur a ni.
