No.6873/2020-2021
Mizoram Sorkar thupek dinglai ang leh District Level Task Force, Lunglei meeting Dt.11.12.2020-a neihin a rel angin mipui te a hnuai a tarlan te hi zawm turin kan inngenin kan inhriattir a ni.
1. Mizoram Sorkar-in Covid-19 No Tolerance Drive a kalpui hun chhunga hman tur thupek (SOP) a siam leh inkaihhruaina dang a siam te an nih dan tidanglam lova zawm tur a ni.
2. Mizoram chhung hmun dang atanga Lunglei District rawn lutte leh Lunglei District chhunga khaw hran atanga haw/zinte chu Contact Tracing Team leh VLTF ten an chanchin an zir leh sawihona atanga Home Quarantine ngai ni a an hriat te ni lo chu mi tumah Home Quarantine emaw, test nei tura tih luih loh tur a ni.
3. Sorkar-in tul a tih te ni lo hnen atangin Covid-19 Free Certificate phut loh tur a ni.
4. Lunglei District pawn atanga rawn lut te chu mahni awmna veng VLTF hnenah in report tur a ni a. Covid-19 positive hmuhna veng/hmun atanga Lunglei District-a lutte chu VLTF leh Contact Tracing Team-te hnena in report hnuah test leh inkhunghran an ngaih leh ngaih loh chungchangah chuan a chunga tarlan ang khian VLTF leh Contact Tracing Team ten inbe rawn chung leh an chanchin zir chungin a tul angin hma an la ang.
Contact Tracing Team-te hnena in report-na tur number-te a hnuaiah hian tarlan a ni:
6033151202/8413844758/8014754337/7760159282/8014127112
5. Khua/hmundangah loh theih loh a nih loh chuan zin veivak lo turin mipuite kan inngen a. Positive hmuhna khua a zin tur kan awm a nih chuan mahni awmna veng VLTF hnenah in report hmasak zel tur a ni.
6. Zinchhuak rawn haw Home Quarantine leh test kaltlang ngai lo te pawh mahni inchik chunga awm thin tur a ni.
