No.675/2021-2022

Mizoram Sorkar thuchhuak No.B.13021/101/2020-DMR/Vol-IV, Dt. 22.05.2021 bawhzuiin Lunglei Town Area-a lockdown hun chhung (Dt 24.05.2021 – 31.05.2021) a dawr bungraw semchhuah/lak, hnathawh leh zin veivah chungchangah a hnuai-a tarlan hriattirna chhuah a ni e.

A. DAWR BUNGRAW SEM CHUNGCHANG
Thawhtanni (Monday) leh Ningani (Thursday) zan dar 8:00 atanga zing dar 4:00 inkarah wholesale/distributor ten VLTF hriatpuina-in zuar chhang turte (retailer) hnenah bungrua an sem chhuak thei ang. Hei hi Monday leh Thursday zan a tan chauh a ni ang.

Wholesale/Distributor te kudam/dawr-a zuar chhawng tur ten (retailer) bungrua la tura an kal khap a ni.

B. DAWR BUNGRAW LAK CHUNGCHANG
Eichawp dawr hawn ni (Thawhtanni leh Zirtawpni) ah loh theihloh avanga dawr bungraw lak mamawhna a awm chuan dawr neitu leh zuar chhawng tur (retailer) te inbelawk hmasa-in VLTF phalna-in bungrua lak theih a ni ang. District Headquarter pawn lam tan chawhma dar 10:00 atanga chawhnu dar 2:00 inkarah a lak theih ang-a, District Headquarter huam chhung tan chawhnu dar 2:00 atanga tlai dar 5:00 inkarah a lak theih ang.

C. EICHAWP LEH RAN CHAW ZAWRHNA (ESSENTIAL COMMODITIES) DAWR
Thawhlehni leh Zirtawpni chawhma dar 10:00 atanga tlai dar 5:00 inkarah nitin mamawh eichawp leh ran chaw zawrhna dawr chu a inhawng thei ang-a. Mamawh lamkhawm turin chhungkaw pakhat atangin mi pakhat bak pawn chhuah khap a ni.

D. THLAI LEH SA ZAWRHNA
Thawhlehni leh Zirtawpni zing dar 5:00 atanga tlai dar 5:00 inkarah thlai leh sa zawrhna hmun te a inhawng ang-a, thlai leh sa te chu mahni vengchhung-a lei tur a ni a, mahni vengchhunga mamawh kim lo veng danga bazar tur te chuan mahni chenna VLTF hriatpuina/remtihna lehkha an keng tur a ni a. Mamawh lamkhawm turin chhungkaw pakhat atangin mi pakhat bak pawn chhuah khap a ni.

E. DAWR DANGTE
Thawhlehni zing dar 5:00 atanga tlai dar 5:00 inkarah a hnuiaa dawrte hi VLTF te hriatpuina-in inhawn theih a ni ang.

1. Thlai chi/tiak leh agriculture kaihhnawih bungraw zawrhna.
2. Hmasawnna hna thawhna bungrua – cement, iron rod, balu, brick, electric bungrua etc.
3. Bungraw phur mamawh spare parts, Oil leh loh theihloh thila hawn ngai workshop. Bungraw phur nilo te mamawh zawrhna dawr chu inhawn phal a ni lo.

4. Online class kal nan-a mamawh hrang hrang – notebook, pen etc zawrhna stationery dawr.

F. HNATHAWH CHUNGCHANG
1. District Headquarter-ah mahni in/ compound chhungah hna thawh phal a ni a, mahse veng dang atanga hnathawktu rawih phal a ni lo.

2. District Headquarter chhungah hmasawnna hnathawh hrang hrang, chhiatna (disaster) thleng thei laka invenna atana thawh tul zual a awm a nih chuan VLTF hnenah in report tur a ni a, VLTF te hian bialtu Incident Commander hnenah a thlen anga, a hmunah enchian (verify) a nih hnu-ah, a tul dan a zirin Deputy Commissioner-in hnathawh phalna a pe ang.

3. District Headquarter pawn lama cheng te tan khuahkhirhna awm lovin hnathawh phal a ni a, District Headquarter-a cheng te tan pawh hmasawnna hnathawh hrang hrang quarry-a lung lak, balu lak, kawng laih, lei dawh, tui lak etc chu mahni chenna VLTF hriatpuina lehkha kengin a kalpui theih ang-a, tin khaw pawna hnathawhna hmunah riahchilha hnathawh phal a ni a, VLTF hriatpuina lehkha kengin an hnathawhna hmun pan tura khawpui atanga an chhuah pawh phal a ni. Amaherawhchu khawpui leh an hnathawhna hmun inkarah veivah phal a ni lo.

4. Mahni ina thil siamna – carpentry workshop, steel fabrication workshop, bakery, puanthuina, puantahna leh hetiang lam thawhna hmunah chuan a hmuna awmchilha hnathawktute tan VLTF hriatpuina-in hnathawh phal a ni a. Heng hnathawhna hmunah hian pawnlam mi chhawr phal a ni lo.

G. ZIN VEIVAH CHUNGCHANG
Zin veivah khap a ni a, chhiat tawh leh damlohna thilah chuan VLTF hriatpuina lehkha nen zin veivah theih a ni ang. Lehkha ah hian kal tanna/chhuahna hmun, kalna tur hmun, chhuah tan nil eh darker, chhuah/kal chhan a chuang tur a ni.