No.4260/2021-2022

Aizawl the 14th March : Mizoram Sorkar Home Department-in raltlante veihvahna khuahkhirh dan tur chungchanga lehkha (Vide No. D.32011/1/2021-HM/Pt Dt.3.2.2022) a lo tihchhuah tawh angin Lunglei District chhunga raltlante veivah dan tur chungchangah a hnuaia tarlante zawm vek tur a ni.

1. Raltlante District danga an kal dawnin Deputy Commissioner, Lunglei hnenah phalna an dil hmasa tur a ni.

2. Damlohna vanga hmun danga inentir duh te, chhiat tawh avanga chhungkaw laina hnai tlawh ngai leh inhlawhfakna zawn tumte tan chauh District danga chhuah phal a ni. Lunglei District chhung khaw danga awm chhungte fin duhte pawh zin veivah phalsak an ni ang.

3. Chhan dang avanga zin tulna a awm chuan Deputy Commissioner in a tul angin an veivah a phalsak thei ang.