1617/2022-2023

Lunglei Dc Pu Kulothungan A, IAS chuan date 6th August,2022 khan African Swine Fever (ASF) chungchangah a hnuai ami ang hian thupek a chhuah.

Tun dinhmunah Mizoram hmun thenkhatah leh Lunglei District Veng/Khua thenkhatah African Swine Fever (ASF) avanga Vawk thi report a la awm avangin Lunglei District chhunga African Swine Fever (ASF) darh zel tur ven nan a hnuaia tarlan ang hian thupek chhuah a tul a.

Chuvangin, Order tihchhuah tawh No.C.15016/2/2020/DCL(C)/32 Dt. 6^th June, 2022 luahlanin kei, KULOTHUNGAN A, IAS, District Magistrate, Lunglei District hian Sec. 144 of Cr.P.C. 1973-in thuneihna min pek angin a hnuaia tarlan ang hian thupek thar ka chhuah e.

1. State dang leh ram dang atangin Vawk, Vawksa leh Vawksa atanga siam eitur reng reng lakluh khap tlat a ni.

2. District leh District inkarah Vawk leh Vawksa lak luh a lak chhuah phal a ni lo. District chhungah khua leh khua pawh inlak pawlh loh tur a ni.

3. Vawk damlo reng reng talh leh hralh khap tlat a ni.

4. Vawk damlo chu dah hran vat tur a ni. Vawk thi reng reng thuk taka phum bo tur a ni.

5. Vawk damlo leh thi an awmin AH & Vety Official-te hnenah hriattir vat tur a ni.

6. Hrileng darh zel loh nana Vawk suat duh ten district tin a AH & Vety Department-ah dilna thehluh tur a ni.

He thupek hian Dt. 6^th August, 2022 atanga thu leh awm hma chu hman a nih atanga thla 2(hnih) chhung a huam ang a. He thupek zawm lote chu Sec. 188 I.P.C. hmanga hrem theih an ni ang.

He thupek hi Dt. 6th August, 2022 hian Court Seal chhu a nemnghetin ka hming ka ziak hnan e.