No.1532/2020-2021

Aizawl the 1st June, 2020 : COVID-19 laka mipui an him theihna tura inkharkhipna (Lockdown) kalpui mek chu June 30, 2020 thleng chhunzawm zel turin Mizoram Sawrkar chuan Order No.B.13021/101/2020-DMR/Pt-III dt 31.05.2020 hmangin thupek a chhuah a. Sawrkar thupek hian lockdown chhung hian tlai dar 7:30 leh zing dar 4:30 inkara pawnchhuah a khap tlat a ni.

Chuvangin, kei, V.LALSANGLIANA, District Magistrate, Lunglei District hian Sec. 144, Cr.PC 1973 in thuneihna min pek angin a hnuaia thupek hi ka chhuah e.

Lunglei District chhungah June 1, 2020 atanga June 30, 2020 thleng hian tlai dar 7:30 leh zing dar 4:30 inkarah pawnchhuah khap tlat a ni a. He thupek hian Magistrate, Police, Hospital & Medical Emergency, Central/State Government/ District Magistrate in phalna a pekte leh COVID-19 chungchanga duty te a huam lovang.

He thupek bawhchhetu chu Section 188 IPC hmangin hrem theih a ni.

He thupek hi District Magistrate seal nemin vawiin 31st May 2020 hian ka hming ka ziah hnan e.