No.6240/2020-2021

Mamit 19th October, 2020 : Vawiin khan DC Conference Hall, Mamit-ah Pu R. Vanlalsawta, Addl DC hovin District Level Review Committee on Bankers Performance neih a ni.

Meeting-ah hian Mamit District chhunga Bank hrang hrangte hnathawh dan June Qtr 2020 thleng thlirho a nih bakah Meeting Minutes of December, 2019 quarters pawm nghal a ni a. Bank hrang hrangte CD ratio tarlan niin June 2020 quarters-ah norms chu 60% a nih laiin, CD ratio hi 47.63% a ni. CD Ratio- a hniamna chhan hi Bank hrang hrangte hian Covid - 19 avanga harsatna an tawh vang a nih thu sawiin Mamit District chhunga Priority Sector hnuaiah Bank zawng zawng te'n Housing Loan an pek chhuah hi Rs 170.81 lakhs a nih thu tarlan a ni.

Meeting-ah hian PMEGP hnuaia Loan pekchhuah hrang hrang thlirho a ni a. March 2020 thleng khan Rs. 286 lakhs pek chhuah a nih thu tarlan niin Financial Year 2020-2021 chhung hian mi 116 hnenah Margin Money Rs. 290 lakhs pekchhuah leh tura target siam a nih thu tarlan a ni bawk. Financial Literacy Campaign (FLC) chungchang meeting-ah hian tarlan niin March 2020 thleng khan vawi-78 neih a ni a. Covid - 19 avangin tun Financial Year June quarter thleng khan FLC hi neih ala nih loh thu tarlan a ni bawk.

Vawiin Meeting-ah hian Security leh Currency Management chungchang sawiho niin Bank hrang hrangte hian harsatna an tawh loh thu an sawi a ni.

Meeting-ah hian Pu R. Vanlalsawta, Addl DC hian Mamit District chhunga Bank te hman tur Annual Credit Plan 2020-2021 tlangzarhna a nei nghal bawk a ni.

Meeting-ah hian Committee members-te an tel tha hle a ni.