No.1619/2021-2022

Aizawl the 29th July, 2021 : National Food Security Act,2013 hnuaia beneficiary revision leh "One Nation One Ration Card" kalpuina tura Aadhaar link (Ration Card leh Aadhaar No. thlunzawm) hna kalpui mekah mi engemawzat Aadhaar nei lo leh Aadhaar nei reng si, link theih loh avanga Ration Card Management System (RCMS) software atanga loh theih lohva paih (delete) ngai an lo awm ta a. Thlatin buhfai sem tur allotment-ah an tel ve thei ta lova, buhfai an lak zui ve theih loh avangin mipui harsatna a thlen chho mek a ni.

Aadhaar la nei lo te chu Aadhaar siam thuai tur leh Aadhaar nei tawh te pawh hetiang harsatna tawk an awm chuan D.C. Ofice-a Biometric Enrollment Centre-ah an Biometric update tur a ni a. Naupan laia Aadhaar siamte pawh kum 5 leh kum 15 an tlinin biometric update ngei ngei tur a ni a. Tin, kut zia lang fiah tawh lo, a bikin kum upa lam leh kut hnathawk te, Aadhaar siam laia kut zia fiah tawk lo te chu Aadhaar link bakah ePOS machine-a kut zia khawlin a hmuh theih loh avanga harsatna tawk an awm thin a ni. Heng chhan hrang hrang avanga Aadhaar nei reng si, link theih loh a awm loh nan Aadhaar update tura hma lo la theuh turin kan inngenin kan in hriattir a ni.