4852/2025-2026

Dated Siaha, the 16 March, 2026 : A hnuaia mi ang hian Pu M. Vanlalduata, District Civil Supply Officer Siaha District, Siaha chuan MIPUITE HRIATTIRNA LEH NGENNA a chhuah.

MIPUITE HRIATTIRNA LEH NGENNA

Kan hriat angin US, ISRAEL leh IRAN buaina avanga eirawngbawlna gas, diesel leh petrol-ah harsatna kan tawh loh nan central leh state level-ah sawrkarin theihtawp a chhuah reng a. Mipuite chiai lo turin kan inngenin kan inhriattir a ni.

1. Mamawh lem lova LPG/eirawngbawlna gas booking siam kan awm mai loh nan Ni 25 capping siam a ni a. Vawiin angah eirawngbawlna gas i book chuan Ni 25 hnuah booking i siam leh thei dawn chauh a ni. Hei hi chiâi avanga gas booking a awm loh nana tih a ni.

2. Harsatna kan tawh loh nan eirawngbawlna gas renchem taka hmang turin kan inngen bawk a ni.

3. LPG/eirawngbawlna gas zawrh chhawn/black marketing leh chheprelh/hoarding hi danin a khap tlat a ni. Hetianga inhnamhnawih kan hriat chuan thuneitute hnenah report turin kan inngen bawk nise.

4. Diesel leh petrol hi thuneituten phalna an pek a nih loh chuan bur/gallon/barrel a lak chhawn phal a ni lo a. Hei hi mipuite him nan/safety a tih a ni a. Chuvangin, bur/gallon/barrel a lak tum lo turin mipuite kan ngen nghal nise.

5. Tun dinhmunah LPG (gas), Diesel leh petrol-ah harsatna emaw tlakchhamna a awm rih lova. Central leh state sawrkarin theihtawp an chhuah mek reng a. Chutih laiin tunlai boruak avanga harsatna kan tawh loh nan mipuiten kan gas, petrol leh diesel kawl laite renchem taka hmang turin kan inngen in kan inhriattir nawn a ni.