4950/2025-2026

Dated Siaha, the 20 March, 2026: Vawiin tlai dar 3:30PM khân Pu M. Vanlalduata, DCSO, Siaha district chuan hrilhlawk lovin Siaha khawpui chhung eirawngbawlna gas-a chawmtu (agent) Mizofed Gas Agency, Meisatla-a tlawh a, Mizofed Manager Pu Joseph Lallungmuana leh a thawhpui te'n an lo dawngsawng a ni. 

Pu M. Vanlalduata chuan tunlai khawvel boruak inlumletin ni tin eirawngbawlna gas lakluh leh semchhuahah Siaha khawpui chhung nghawng a nei em tih hrechiang tura tlawh a nih thu a sawi. Pu Joseph Lallungmuana chuan tun dinhmunah eirawngbawlna gas a thlen ṭhat thu leh kawnga thang mêk a awm thu sawiin, tunlai hmasawnnain a ken tel social media hian chiaina thlen lo se chuan mipui te'n eirawngbawlna gas hi sem dan phung pangngaiin kan sem chhuak reng a, chutiang tur chuan stock dinhmun a ṭha a ni tih an hria ang a ti. Siaha khawpui chhungah home delivery an kalpui tawh thu Manager hian sawiin, thu lêngvak a tam hma kha chuan eirawngbawlna gas la tûrin kan intur zawk mah hial a ni a ti.

Tun hnaia mipui harsatna tawh bêr chu Delivery Authentication Code (DAC) ah anih thu Pu Joseph Lallungmuana chuan sawiin, miscall na turah va call hnuah sms lo thleng tur hi lo thlen theih loh châng a tam, DAC tel lo chuan gas pekchhuah theih a ni lo va, thingtlanga chengte tán gas lâk theih hun inkar ni 45 leh khawpui chhunga chengte tán ni 25 a ni. Gas card neitu (holder) mobile number ngei aṭang chauha gas hi book/miscall theih anih thu mipuiin an hriat thar leh ṭhaa a hriat thu Manager hian a sawi bawk.

March 20, 2026-a Mizofed Gas Agency Siahaa eirawngbawl gas awm mêk zat chu kg 14.2 ah bur 237 niin, kawnga thang mêk leh hlanthlak tura awm belhkhawm chu bur 1728 a ni. Kg 19 (commercial) ah bur 19 an kawl mêk thu Manager hian sawiin, commercial card nei hi Siaha khawpui chhungah an tam loh thu a sawi bawk.

DCSO hian Siaha khawpui chhunga filling Station pahnih Immanuel filling Station, Meisavaih East leh J. Rama filling Station, College Vaih tlawh nghalin, tun dinhmunah petrol leh diesel dinhmun a ṭhat thu thawktuten an lo hrilh a ni. 

March 20, 2026-a Siaha khawpui chhunga filling Station awmte stock dinhmun chu (litres in):-

1. J. Rama filling Station: HSD 14000, MS 7000 (kawnga thang mêk: HSD trip khat, MS trip 1)

2. Immanuel filling Station: HSD 7000, MS 10000)