Ni thum cham tura lo zin Delhi Legislative Assembly-a Ethics Committee leh Minority Committee member-te chu vawiin khan Mizoram Legislative Assembly Ethics Committee member te nen Speaker Committee Room-ah an inkawm.

Delhi Legislative Assembly Ethics Committee leh Minority Committee te hi nimin khan Aizawl an lo thleng a, Mizoram Legislative Assembly Ethics Committee kalphung leh an hmalak dan zir chiang tura lokal an ni a. Inpawh tlang taka inkawmin anmahni State ve ve a an hnathawh dan tlangpui te an inhrilh tawn a ni. Delhi Legislative Assembly Ethics leh Minority Committee te hian naktuk hian Mizoram an chhuahsan ang a, Manipur an tlawh ve leh dawn a ni.

Delhi Legislative Assembly Ethics Committee Chairman Dr Narender Nath leh Minority Committee Chairman Ch. Mateen Ahmed te hian an member pathum - OP Babbar, Surender Kumar leh Vipin Sharma te an rawn hova. Mizoram Ethics Committee Chairman Pu Lalrobiaka leh member te - Pu Nirupam Chakma, Pu PP Thawla, Pu Hmingdailova Khiangte, Pu R Selthuama leh Dr Ngurdingliana ten an lo dawng sawng a ni. Assembly House leh office te chip chiar taka an fan hnuah Mizoram Legislative Assembly Speaker Pu R Romawia pisa-ah inkawmhona hun tha tak an hmang zui a ni.