4217/2023-2024
Champhai, the 17th March, 2024: Election Commission of India chuan March ni 16, 2024 ah General Election to Lok Sabha, 2024 puangin hemi hnu hian Model Code of Conduct pawh hman tan nghal a ni.
Hemi bawhzuina kalzelah District Election Officer, Champhai District Pu James Lalrinchhana chuan Champhai District chhunga Government Website-a political advertisement ang chi zawng zawngte chu la thla/nuai reh vek turin hriattirna a chhuah. Thupek chuan Minister, Politician leh Political party-te thlalak, thuchah leh news clip, Central/State Government's official website-a chuang reng rengte chu nuai reh/la thla vek turin a hriattir a ni.
Electronic leh print media kaltlangin public exchequer hmanga sawrkar hmalakna leh hlawhtlinna tarlan khap a ni a. Telecast/broadcast emaw, print media-a tihchhuah tur pek chhuah hman a nih tawh chuan, chutiang advertisement chu electronic media-a telecast/broadcast chu chawplehchilha tihtawp nghal tur a nih thu leh chutiang advertisement engmah print media heng chanchinbu, magazine, etc.-ah election puan a nih tawh chinah chuan tihchhuah loh tur a nih thu a chhuah.
Hemi thupek bawhzuina report chu March ni 17, 2024 chawhnu dar 3:00 ral hmaa thehluh turin a hriattir bawk.
