4215/2023-2024
Champhai, the 17th March, 2024: ECI atanga lehkha dawn ECI No. 437/6/ECI/inst/funct/MCC/2024 Dt 16.3.2024 bawhzuina leh General Election to the Lok Sabha, 2024 chu March ni 16, 2024 ah puan a lo nih tak avangin Pu James Lalrinchhana, District Election Officer, Champhai District chuan Champhai District chhunga Head of Office leh Political pary-te tana zawm leh bawhzui tur thupek hetiang hian nimin March ni 16, 2024 khan a chhuah:
1. Inthlan puan a nih tak avangin hmunhma hrang hranga Model Code of Conduct kalh thil tarlante lak thlak/nuai reh chungchang (Defacement of Property):
(a) Sawrkar bungrua leh hmunhma- Sawrkar building awmna office leh campus-ahte sawrkar kaihhnawih banga thil ziah, poster/paper emaw, chi dang emaw, cutout/hoarding, banner, flag etc. tarlante chu inthlan puan atanga darkar 24 chhungin paih/lak thlak vek tur a ni.
(b) Vantlang bungrua leh hmunhma- Dan lova vantlang bungrua leh hmunhma heng Railways Stations, Bus Stands, Airports, Railway Bridges, Roadways, Govt. buses, Electric/Telephone Poles, Municipal/local bodies' buildings etc., te a political advertisement, banga ziah/posters/papers emaw, cutout/hoardings, banners, flags etc., tarlante chu inthlan puan atanga darkar 48 chhungin paih/lak thlak vek tur a ni.
(c) Mimal bungrua leh hmunhma- Mimal bungrua leh hnunhmaa dan lova political advertisement tarlante chu local law leh court thupek zawm chungin inthlan puan atanga darkar 72 chhungin paih/lak thlak vek tur a ni.
2. Sawrkar lirthei dan kalha hman chungchang (Misuse of official vehicle)- Sawrkar lirthei (official vehicle) te chu political party, candidate leh inthlan kaihhnawiha duty ni lote tan campaign kaihhnawih reng renga hman khap tlat a ni. He thupek a ‘official vehicle’ tih hian eng motor zin veivah nan a hman thin emaw hman theih, khawl chakna emaw eng chakna pawha tihnun theih phawt chu a huam a. Central Government, State Government/UT Administrations, Public Undertakings of Central/State Government, Joint Sector Undertakings of Central/State Government, local bodies, Municipal Corporations, Marketing Boards, Cooperative Societies te motor emaw sawrkar sum (a vai a sawrkar tum ni lo thlengin) hmanga lei motor eng pawh (trucks, lories, tempos, jeeps, cars, auto rickshaws, autos, bus) a huam ang.
3. Official website-a political functionary thlalak - Central/State Sawrkar official website-a Minister, Politician emaw, Political Party emaw kaihhnawih thlalak awm zawng zawngte chu nuai reh vek tur a ni.
4. Hmasawnna hnathawh kaihhnawih chungchang- Inthlan puan atanga darkar 72 chhungin DEO hnenah hmasawnna hnathawh mek leh la tan loh hmabak awmte kimchang taka thehlut tur a ni.
DEO Champhai chuan Champhai District chhunga Head of Office-te chu a chunga tarlan points 1 (a) bawhzui dan report chu March ni 17, 2024 chawhnu dar 3:00 thlenga thehlut tur leh, 1 (b) chu March ni 18, 2024 chawhnu dar 3:00 thlenga thehlut turin a hriattir a. Political party-te chu point 1 (c) leh 4 chungchanga hmalakna report March ni 19, 2024 chawhnu dar 3:00 thlenga thehlut turin a hriattir bawk.
