2398/2023-2024

Hnahthial the 20th October 2023: Election Commission of India (ECI) in kartin District Election Officer (DEO) leh Media-te inthlanpui chungchangah inhrilhhriatna (briefing) neih thin tura a tih angin vawiin khan Hnahthial DEO Pu Chuauhnuna chuan chanchinthar thehdarhtute a office-ah a kawm.

He hunah hian District Bawrhsap Pu Chuauhnuna chuan media-te mawhphurna hrang hrang sawiin inthlannaah an pawimawh hle a ti a, inthlanna felfai leh thianghlim a awm theih nan chanchinthar thehdarhtute chuan chanvo pawimawh tak an neih thu sawiin theihtawp chhuahpui turin a sawm bawk a ni.

Media aiawhte pawhin an harsatnate sawiin sutkian sak dan ngaituahpui tura an ngénna te tha taka dawn sawn a nih avangin lawmthu an sawi bawk a ni.

Vawiin a press briefing-ah hian Hnahthial District chhunga MJA member-te leh local cable neitute an tel a ni.