993/2026-2027

AIZAWL; 12^th June,2026: Vawiin chawhnu khan DC Pisa Pui Hall-ah District Election officer, Aizawl District Er. Lalhriatpuia hovin Aizawl District huam chhunga  ERO, AERO leh  thlan bik BLO ten Special Intensive Revision (SIR)  kalpui dan thlir let review meeting an nei. Vawiin meeting-a BLO thlan bik te hi SIR hmalakna kawnga hnufual deuh  ( Low Mapping hniam) a hriat te an ni a, an  hnufualna chhan leh an harsatna tawh te, an hmalak tawh chin leh hmachhawp te,  DEO leh concerned ERO/AERO te hova sawihona meeting a ni.

Vawiin meeting-ah hian BLO te fuihna thuchah sawiin, DEO  Er. Lalhriatpuia chuan SIR-in a tum ber chu voter ni tlak India khua leh tui dik tak chu pakhat mah Electoral Roll a chuan tir hmaih loh leh, voter ni theilote chu Electoral Roll a chuantir palh loh a ni  a. Tuna SIR in kalpui mek hi kan  Aizawl district in Electoral Roll felfai leh thianghlim  kan neihna tur kawng insial mek a nih tih inhriaiin, sawrkarin tih tura in kohva a dah avanga  rundala tih mai lovin, Mizoram tan, Aizawl District tan,  tun leh kan hmalam hun thlenga  thil pawimawh em em ka ti mek a nih tih inhriain, taimak tak leh fimkhur takin in hna hi kalpui  theuh turin ka ngen a che u a ni, a ti. DEO Pu Hriatpuia chuan  BLO te chu, Harsatna an nei  chuan  concerned ERO leh AERO hnena thlen hren loh tura chahin,  ECI in Enumeration Forms sem leh khawn hun a bituk chhung ngeia tha taka kan  hna chanpual theuh zawh I tum ang u, a ti.

Vawiin  review meeting-ah hian ERO leh AERO te kokim takin an tel a, BLO te atangin report ngaihthlak a ni  a. Chak zawka Enumeration Forms (EF)  sem chhuah , khawn khawm leh Digitise dan tur te khunkhan taka rel ho a ni bawk.