Vawiin khan MP Election lo awmtur atana inbuatsaih nan Aizawl District Election Officer leh Mizoram pumpuia Returning Officer ni bawk Pu Vanlalngaihsaka, IAS chuan DC Conference Hall-ah Aizawl District chhunga Nodal Officers leh Assistant Nodal Officers te meeting a neihpui.
Pu Vanlalngaihsaka, IAS chuan Mizorama MP Election ralmuang leh tluang taka kalpui a nih theihnan, Nodal Officer leh Assistant Nodal Officers ten mawh an phur lian hle a ni, a ti a. Mahni ngawta tih theihloh tam tak Election hian a keng tela, a huhoa thawh kawngah leh mawhphurhna hlenchhuah kawngah Nodal Officers leh Assistant Nodal Officers te thahnemngai turin a sawm a ni.
Aizawl District chhunga MP Election atana Nodal Officers ten hma an lak tawhna leh hmalakna tur te sawi ho a ni.
Aizawl District huam chhunga Election chungchanga zawhna neite chuan Phone No. 0389-2316719-ah Call theih reng a ni a, taksa lama harsatna nei (PwD) ten Vote an thlak theihna tur chungchang hrechiang duh chuan Phone Number 0389-2313833-ah Phone theih a ni bawk a. Toll Free Number 18003453690-ah pawh Phone theih reng a ni.
