2563/2025-2026

Lawngtlai, 7th December 2025 : LADC-MDC inthlanpui 2025- a Counting Agent leh Election Agent- te chuan vawiin khan Pu Donny Lalruatsanga District Election Officer DEO kaihhruaiin DC Conference Hall-ah thutkhawm an nei. 

Pu Donny Lalruatsanga chuan kalkhawmte hnen a lawmthu sawina a nei a. Ralmuang leh tha taka vote  thlak zawhfel a nih kawngah Party- te thawhpuina fakawm a tih thu a tarlang a. Inthlanna tha leh tluang taka neih a nih theih nan theihtawp chhuah reng a nih thu tarlangin a hmawr bawk thei tep tawh a ni a, thahnem ngai taka thawhho zel a tul hle a ni, a ti. Vote tha leh tluang taka chhiar a nih theih nan engkim peihfel a ni tawh tiin, a bik takin Counting Agent-te pawh vote chhiar Ni ah an hna tha taka hlen turin a chah nghal bawk. 

Pu Collin Hlychho Election Officer (EO) chuan vote chhiar tura tih tur ngai leh tulte peihfel tawh a nih thu a tarlang a. Inthlannaah Election Agent- te nen thawhhona tha tak a awm avangin lawmthu a sawi a.

Counting Agent- te hriat tur  hrang hrangte inhrilhhriatna a nei nghal bawk a ni. 

Thutkhawmah hian Election Agent leh Counting Agent- te an telkim tha hle a,  Pu Donny Lalruatsanga chuan lawmthu sawina neiin hun a khar.