No.2611/2021-2022
Aizawl 14th October 2021: Vawiin khan Dr.H.Lalthlangliana, District Election Officer, Kolasib leh General Observer Pu Mohammed Ali Shihab, IAS-te chuan Serkhan, Nisapui, Lungmuat, N.Chaltlang leh Bukpuia 4-Tuirial (ST) Assembly Constituency bye-election, ni 30 October 2021-a neih tur atan a Polling Station buatsaihte an endik a. Pu A.Lalhmachhuana, Sector Magistrate leh Pu Hmingthanzuala, Nodal Officer for Media Cell-ten an tawiawm a ni.

Polling Station endikna hun ah hian District Election Officer leh General Observer-te chuan Village Level Task Force leh Local MPF hruaitute an kawm a. Inthlanna felfai leh thianghlim buatsaih piah lamah hrileng lak a him inthlanna buatsaih a tul thu sawi lan niin hri kai an pun belh loh nan tun atangin fimkhurna kawng hrang hrangah tan lak a pawimawh zual thu sawi a ni bawk. Dr.H.Lalthlangliana chuan inthlan ni a darkar hnuhnung ber, tlai dar 5 leh dar 6 inkar chu Sabbath serhte leh Covid-19 hri kaite vote thlakna atan bik a ruahman a nih thu tarlangin vote thlak tur pangai tan zing dar 7 atanga tlai dar 5 inkar ah vote thlak fel hman tur a beisei a nih thu a sawi bawk a ni.

General Observer Pu Mohammed Ali Shihab, IAS chuan Polling Station buatsaihna kalpui dan chu tha tawk a tih thu sawiin Vote thlak turte zinga painphunga rualban lote chu ngaih pawimawh tur a nih thu leh harsatna awm lo a Polling station-a vote an thlak theihna turin a tul anga ruahmanna siam tur a nih thu a sawi.

Vawiin inkawm hona hunah hian VLTF leh Local MPF hruaitute chuan Bye Election neih tur a inbuatsaihna avanga hri kai an pun belh loh nan puipunna tlem thei ang ber Campaign chhung hian huaihawt turin an duh thu an sawi bawk a ni.