385/2022-2023

Siaha; the 3rd May,2022: Tukin zing atang khan Siaha Town atanga Polling station hla zual PS 12 a duty tur polling official  DEO & Returning officer Pu Lalsangliana'n DC office kawt atangin a vailiam.

Tukin zinga chhuak Polling team te hi heng a hnuaia polling stations a duty tur te an ni:-
(i) Tôkalô      
(ii) Bymari  
(iii Lômasu  
(iv) Lôdaw  
 (v) Phura  
(vi) Kiasie  
(vii) Pala      
(viii) Miepu      
(ix) Supha        
(x) Lôpu        
(xi)  Khaihkhyh
 (xii)Laki

DEO&RO Pu Lalsangliana chuan Polling team te thlahna thu sawiin, Democracy ramah chuan Inthlanna hi Indona var(white war) an lo tih hial khawpa ngaih urhsun leh ngaih  pawimawh a ni a. In mawhphurhna san zia te hre reng chungin leh Sawrkarin a mi rinngam a thlanchhuah te innih ang ngeiin ,rinngam leh rintlaka in duty hlen theuh turin ka ngen che u a.Training laia tih tur leh tihloh tur kan inzirtir te hre rengin, inthlanna zuk kalpui u la, tluang taka in duty theuh inzuk hlen a, him dam taka  inlo let leh vek theih nan duhsakna sang ber ka hlan a che u, tiin polling team te chu a vailiam a ni.

Pu Lalsangliana hi Addl.DC &ARO Pu Donny Lalruatsanga leh DTO Pu Vabeimozachhi ten an tawiawm a ni.

Polling station 69 a duty zur polling official te hi naktuk zing dar 6:00Am ah an duty-na hmun an pan ve hlawm ang.