650/2025-2026

Aizawl the 16th May, 2025 : Vawin khan Food, Civil Supplies & Consumer Affairs (FCS&CA) department hmalakna in Planning & Program Implementation Department Conference Hall ah one-day workshop on 'Strengthening of Price Monitoring Scheme' hlawhtling taka neih a ni.

He hun hi Pu Lalhmunsanga Hnamte, Additional Secretary, FCS&CA department in a kaihruai a. Pi Teresy Vanlalhruaii, Secretary, FCS&CA department chuan workshop hmanpui tura lokal zawng zawng te lawmna thuchah (welcome address) a sawi a. Khuallian Pi Lalramdinpuii Renthlei, Director, Department of Consumer Affairs, GOI chuan keynote address nei in, thil man sang vak vak tur venna atana price monitoring pawimawhna te, Department hrang hrangin thil man an collect zingah pawh Department of Consumer Affairs in thil man an collect chu central sorkar in a rin ber thu leh, sorkar policy siam leh duan nan a hman ber a nih thin thu a sawi a, tunhnaia India leh Pakistan buaina avangin Sorkar Laipui chuan nasa lehzuala ram pumpuia price monitoring uluk leh ngawrh zawka kalpui a tum dan te a sawifiah a ni.

He workshop hmanpui tur leh kaihruai tura Delhi lama atanga Sandeep Kumar, Statistical Officer, Department of Consumer Affairs, GOI hnen atangin 'Price Monitoring Methodology' tih thupui hmangin power point presentation enho leh ngaihthlak a ni a, districts hrang hranga thil man collect thintu Data Entry Operators (DEOs) te hnen atangin thil man collect chungchanga an harsatna tawh te leh a chinfel dan tur te sawiho a ni bawk.

Chawhnu lamah Pi R. Lalramhluni, Deputy Directorate, Agriculture & Farmer's Welfare department atangin 'Possibility of Production of Pulses in Mizoram' tih thupui hmangin paper presentation ngaihthlak leh sawihona neih a ni a, Mizoramah pulses (Dal) hlawk zawka tharchhuah dan tur sawiho a ni. Agriculture & Farmer’s Welfare Department lam atangin tunhnaiah India Sorkarin ‘Self-Sufficient in Pulses Production’ tih thupuia neiin pulses production lamah tan a la nasa em em a, Mizoram ngeiah pawh tunhnaiah Tur/Arhar Dal nasa zawk leh hlawk zawka tharchhuah anih theih nan Mizoram Sorkarin hma a lak mek thu a sawi bawk. Kalkhawmte atangin zawhna leh chhanna hunh man a ni.

Pu Lalhmingmawia Pachuau, Additional Director, Horticulture Department atangin 'Status & Prospect of Ginger Production in Mizoram' tih thupui hmangin paper presentation ngaihthlak ani bawk a, sawhthing (ginger) chu Mizote chauh nilo India ram leh khawvel pumpui ang pawhin Spices zingah ei (consume) nasat ber pawl a nih thu leh, tunhnaiah Sorkar hmalakna in Mizoramah loneitu ten nasa takin sawhthing an tharchhuak a, heng sawhthing tharchhuah te hi loneitu (farmers) ten hlawk zawka an hralh chhuah theih nan Mizoram Sorkar leh Sorkar Laipui ten thawhhona tha an neih a pawimawh thu a sawi bawk. Hemi hnu hian Workshop hmang tura kalkhawmte atangin zawhna leh chhanna hun hman a ni.

He hun hi Departments pali(4), FCS&CA, Agriculture & Farmer's Welfare, Horticulture leh Economics & Statistics Department a hotu lian te bak ah, district hrang hranga District Civil Supplies Officer (DCSO) leh district tina price monitoring buaipuitu Data Entry Operators (DEOs) ten an hmang ho a ni.