No.3400/2019-2020

Deputy Chief Minister Pu Tawnluia, Tuichang bialtu ni bawk chuan a bial chhung khaw hrang hrang ten ei leh bara harsatna District Level Task Force kaltanga an thlen chu, DLTF nen tangkawpin vawiin khan hma a la a. Buhfai, Alu, Purunsen, Purunvar, Tel, Chini leh Bawnghnute, Quintal 100 hu vel chu Khawzawlah thawn chhoh a ni a.Mipui mamawh phur tur hian DLTF chuan Khawzawl PWD Division LPK an  tir a, heng bungrua te hi DLTF kutah a awm ang a, a tul angin an semrual dawn a ni.

Pu Tawnluia hian a bial chhung Khawzawl Hospital-a Frontline Workers ten a tul tula an hman atan Pawisa fai cheng 30,000  chu Dr.Lalngaihawmi Chhangte Medical Officer, Khawzawl CHC hnenah vawiin khan a hlan bawk a ni.