No.529/2021-2022 


Dated Champhai, the 15th May, 2021: Tuichang bialtu MLA, Dy. Chief Minister Pu Tawnluia'n Khawzawl District Hospital-a dah tura a ruahman, damdawi chi hrang hrang vawn thatna Deep Freezer 1 leh Ice Lined Refrigerator pahnih (a lian leh a te) chuan vawiin zing dar 7:00 hian Khawzawl a lo thleng a. Khawzawl District Hospital-ah Khawzawl District Bawrhsap Pu Zothanmawia hovin lo dawn sawn a ni. 

Khawl thleng tharte dawnsawnna pual  inkhawm tawi neih hi Pu K. Thangliana, Chairman, Khawzawl Joint YMA-in a kaihruai a. He hunah hian Khawzawl District Bawrhsap bakah Dr. Frank Harris, District  Medical Superintendent, Dr. Albert Lalhminghlua MO, Pu K.Lalnunsanga, Sub-Headquarters YMA President leh Pu C.Kera ten thu tawi an sawi a ni. 

Damdawi vawn thatna khawl rual hian Vawk In leh a vel vawn thianghlimna (disinfectant/bleaching) kg 25-a rit bag 20 chu A.H & Vety Office Khawzawlah rawn phurh thlen a ni bawk a. Vawk vulh tute hnenah sem chhuah nghal a ni. 

Tuichang bial mipuite dinhmun hriatpui reng thintu leh, kawng tinrenga sul sut sak a, a taka tih hlawhtlin sak zel thintu Tuichang bialtu MLA, Dy. Chief Minister, Pu Tawnluia chungah bial mipuite chuan lawmthu an sawi a ni. 





Attachment

  • Loading attachment...