Vawiin khan Deputy Chief Minister Pu Tawnluia'n Ramthar North Multipurpose Centre a hawng.

Deputy Chief Minister Pu Tawnluia chuan thu sawiin Ramthar North Multipurpose Centre chu thalai tan chauh nilo nu leh pa, khawtual mite tana tangkai taka hman a nih a beisei thu a sawi a. Centre sak hlawhtling theih nana Sawrkara hmala tu te zawng zawng hnenah lawmthu a sawi a. Deputy Chief Minister chuan UD&PA Department chu Department naupang tak niin, kum 2006 a din a ni a, Sawrkar in khawpui a chei nana kut ke ber a ni chu lawmawm a ti bawk a, a chhunga hnathawk te inpekna chu ropui a ti bawk a ni. Pu Tawnluia chuan Department leh khawtlang hruaitu te thawh hona leh inpumpekna avangin khawtlang tana chhawr na awm tur leh Building lian tha tak Ramthar North Multipurpose Centre chu sak pum theih a ni, tiin a sawi a ni.

Ramthar North Multipurpose Centre hi Rs 184.94 lakhs a sak a ni a, UD & PA Department chu Implementing Department a ni a, Pu R.Liantluanga, Class-I Contractor, Bungkawn, Aizawl sak a ni a. Kum 2017, September Ni 27 atanga sak tan niin, Kum 2019, October Ni 1 thleng sak a ni. He Multipurpose Centre hi Ministry of DoNER hnuaia NLCPR Scheme atanga thawh a ni a; Library, MUP Office, Recreation Room, Table Tennis Hall, Go-Down, Parking (LMV 6, Two-wheeler 15) leh YMA Office te siam a ni.

Deputy Chief Minister Pu Tawnluia hi East Tuipui Bialtu MLA Pu Ramthanmawia, AMC Councillor Pu Laltlanzova leh midang ten an tawiawm a ni.

Attachment

  • Loading attachment...