No.1077/2021-2022

Aizawl the 22nd June, 2021 : Vawiin khan Deputy Chief Minister Pu Tawnluia, Tuichang Assembly Constituency bialtu nibawk MLA chuan a bial chhunga hman turin Khawzawl District Veterinary Hospital-ah ASF Test Kit leh Sodium Hypochloride engemawzat a pe a. Khawzawl District Vetenary Officer Dr. Philip Lawmsangzuala hnenah hlan a ni.

Hemi bakah hian, Khawzawl District Hospital-a Covid-19 Test na khawl, Truenat extractor Guwahati-a a siamthat tir pawh vawiin vek hian Khawzawl District Hospital Medical Superintendent Dr. Frank Harris a hnenah hlan a ni bawk.

Khawzawl District Hospital-a Truenat khawl hi a extractor a chhiat avangin hman theih lohvin a awm reng a. Bialtu MLA, Dy. CM Pu Tawnluia'n hmalak nain siamthat hna kalpui a ni a, dan pangngaiin Covid-19 test pawh Khawzawl District Hospital-ah hian chak zawkin a kalpui leh theih dawn a ni.

Heng hmanraw chi hrang hrangte hi Dy. CM Pu Tawnluia aiawhin Pu C. Kera chuan thuneitute kutah a hlan a ni.

Vawiin vek hian Khawzawla Mualvawm Park leh a chhehvela phun tur thing tiak (Ashoka Tree) engemawzat chu, Dy. CM Pu Tawnluia hian a rawn thawn bawk a. Hengte hi hun remchang hmasa berah phun a ni ang.