Aizawl 23rd May 2022: Deputy Chief Minister Pu Tawnluia chuan vawiin khan New Delhi ah Ministry of Housing and Urban Affairs Secretary Manoj Joshi chu a office ah hmuin, SIPMIU Project chungchangah a kawm.
Deputy Chief Minister Pu Tawnluia chuan SIPMIU Project March 2022 a tawp tak avangin 37 MLD Project laklawh taka awm chu Aizawl Khawpui a tui pek nan a pawimawh thu Union Secretary hnenah a hrilh a, hemi zawhna tur fund chu Mizoram sorkarin a hmuh ngei an beisei thu a thlen bawk a. Heng bakah hian Pu Tawnluia hian SBM 2.0 leh Amrut 2.0 a Mizoram sawrkarin hmalak an tum dan leh Ministry in chak taka hma an lakpui a ngaih thu a thlen bawk a ni.
Union Ministry lam hian he project a zawh theih nan hian sum la mamawh te pek ngei an tum thu Deputy Chief Minister Pu Tawnluia hi an lo hrilh a. Union Secretary hian kawng engkimah theihtawp an chhuah zel tur thu a sawi a.
Deputy Chief Minister hi Additional RC Pu Alexander V Chongthu in a tawiawm a ni.
- Loading attachment...