No.2617/2021-2022

Aizawl 15th October 2021: Deputy Chief Minister Pu Tawnluia'n nimin khan Ministry of Jal Shakti leh Ministry of Housing & Urban Affiars secretary te a hmu a, Department thil pawimawh a sawipui a.

Pu Pankaj Kumar, Secretary, Jal Ministry hnenah Jal Jeewan Mission chak zawka kalpui a nih theih dan tur leh Sanction hmabak te a hma lama lo bawhzui turin a chah a. Mizoram khaw thenkhat a Rainwater Harvesting Project proposal te a sawipui a, hma la turin a ngen a. Heng bakah hian Tlawng River Rejuvenation leh Reiek Water Harvesting Dam project te a sawipui bawk a ni.

Durga Shanker Mishra, Secretary, MoHUA nen titi dunna tha tak an nei a, PMAY Housing For All hnuaia Ministry atanga Sanction hmabak te chak zawka Mizoram in a hmuh theih nan bawhzui turin a chah a. Hei bakah hian AMRUT hnuaia Sanction hmabak pawh sawiin Secretary hian an release nghal tur thu a hrilh a ni. Scheme thar pahnih Swachh Bharat Mission 2.0 leh AMRUT 2.0 a hmalak chhoh dan tur an sawidun bawk a ni.

Minister Pu Tawnluia hi RC Amjad Tak a leh Official dang ten an tawiawm a, Minister  pahnih Jal Shakti leh MoHUA te hi chhiat tawh vangin station ah an awmlo ve ve a ni.