No.2415/2021-2022

Aizawl the 30th September, 2021: Vawiin khan Deputy Chief Minister Pu Tawnluia chu ‘State Level Workshop on Swachh Survekshan Grameen, 2021’-ah khuallian niin, District tin a Deputy Commissioner leh PHE Officials ten telpuiin, Zoom kaltlangin tangkai leh tluang taka hman atan a hawng a ni.

Deputy Chief Minister chuan Department of Drinking Water & Sanitation, Ministry of Jal Shakti, Government of India chuan Swachh Survekshan Grameen -2021' a huaihawt leh dawn a. Hei hi India ram pumpuia Thingtlang khua zawng zawng huap Faina kawnga inelna a ni, tiin a sawi a. He inelna hi third party- IPSOS Pvt Ltd te kal tlanga huaihawt niin, an ni hian State hrang hrang te hmalakna endik in, khawtlang hruaitute leh mipuite atangin feedback la in, assessment a siam dawn a ni, a ti a. Khuallian chuan inelna ngawr ngawr ringawt nilova, mipui te thinlunga faina kawnga hmasawnna tuh zel chu sawrkar mawhphurhna a ni a, chutih rualin a khawtual mi ten sawrkar thu zawm a, faina kawnga hmalakna tawiawm chu zoram tana hmasawnna leh changkangna bakah mawina thlentu a ni, tiin a sawi.

Hawnna programme zawhah hian PHED Conference Hall, E-in-C PHED Office ah Workshop in a chhunzawm nghal a ni. SSG inelnaah hian fullmark mark 1000 niin tehfung pathum a awm dawn a, chungte chu:

1. Citizen feedback - 350 marks (mobile hmanga mipuite feedback atangin)
2. Direct observation- 300 marks (khaw thlan bik te survey an ni ang)
3. Service Level Progress- 350 marks (District tinin an hnathawh an report atangin)

Kum 2018 atang khan Swachh Survekshan Grameen hi huaihawt a lo ni tawh thin a. Hemi Kum hian India ram thingtlang khaw 7000 en dik niin, kum 2019 ah khaw 17200 en dik a lo ni tawh bawk a. Kuminah hian 17425 vel endik tum a ni. Kum 2019-ah khan Mizoram chuan category hrang hrangah hetiang hian lawmman pakhatna Smaller States and UT zingah leh Northeast States zingah a lo dawng tawh a ni.

Heng District pathum; Kolasib, Serchhip leh Aizawl-te hian Northeast-ah 1st, 2nd leh 3rd Prize an la bawk a, tun 2021 inelna-ah pawh hian, PHED leh Thingtlang khaw hrang hrang tangrual chuan Lawmman lak tumin nasa takin tan an la mek a ni.