No.3526/2020-2020

Vawiin khan Deputy Chief Whip leh Dampa Assembly Constituency MLA nibawk Pu Lalrintluanga Sailo chuan a office-ah a bial chhung West Phaileng, Dinthar Veng a cheng, Mizoram HSSLC Examination, 2020 Arts stream a 10th rank holder Jessica Ramdinpuii D/o Pu Lalnunfela chu chawimawina leh lawmpuina hun a hmanpui.

Bialtu MLA chuan fuihna thu sawiin a bial chhung atanga Mizoram pum huapa a vawi khat na atana HSSLC Examination-a hming lang pha an awm chu a lawm hle ani tih sawiin lawmpuina atan Laptop a hlan a ni.

Pu Lalrintluanga chuan a bial chhunga school zawngzawng ten Pass Percentage tha tak an nei thei chu a lawm hle a, zirna lama Dampa Bial chhunga zirna-in hma a sawn zel theih nan theihtawp a chhuah zel dawn a ni tih sawi langin tun sorkar-in Mizoram-ah zirna nasa taka chawikan a tum thu a sawi bawk a ni.

He hunah hian West Phaileng Village Council President , Pu Lalchhuanmawia pawh in thu sawiin West Phaileng khawtlang leh a bial tlangdung hmingin Jessica Ramdinpuii chungah lawmthu a sawi a, duhsakna a hlan bawk a ni.