No.3307/2021-2022
Aizawl the 7th December, 2021 : Covid-19 hripui chu kan ramah darh zelin, Aizawl District chu Mizoram chhunga hrikai tamna ber District a ni a, inkhuahkhirhna kalpui a nih hnuah pawh hrikai kan la kiam hlei thei lova. Inkhuahkhirhna thlahdul a nih tak avangin, Sawrkar Office hrang hrang a thawktu thenkhatte chu inkalchhawk theih a ni tawh lova. Head of Office hrang hrangah Covid Appropriate Behaviour (CAB) leh Sawrkar-in SOP a tihchhuah tha taka zawm a nih theih nan a hnuaia tarlante hi mahni Office theuha zawm a nih theihna turin hma la turin Deputy Commissioner, Aizawl District leh Chairman, District Task Force on Covid-19 ni bawk Dr. Lalhriatzuali Ralte chuan a hriattirin a ngen a ni.
1. Officers leh Staff zawng zawng ten Office chhungah Mask vuah ngei ngei tur a ni a, kut silfai/sanitize ngun ni bawk se.
2. Officers/Staff-ten Office chhungah Social distancing an vawng reng tur a ni a, in hlat thei ang berin hna an thawk tur a ni. Tiffin eikhawm leh thutkhawm te tih loh ni se.
3. Officers/Staff-ten damlohna emaw in sawiselna an nei a nih chuan hotute hnenah in hriattir vat tur a ni a. Hotuten a tul ang zel in Sawrkar thuchhuah zawm chungin hma an la nghal tur a ni.
4. Head of Department leh Head of Office tin ten office kawtkaiah kutsilna tur emaw hand sanitizer emaw an ruahman ngei tur a ni, office vawn fai leh tih thianghlim kawngah mawhphurtu an ni nghal ang.
5. Office a lut tur reng rengin kutsiVhand sanitize ngei ngei tur a ni a. Tin, gate duty in office dawr tur reng reng Hming, Address, Contact number felfai takin a 10 chhinchhiah tur a ni.
6. Office dawr tur reng rengin Social distancing uluk takin an vawng ngei tur a ni a, in hlat thei ang berin thawktute an dawr tur a ni. Department emaw office dangte emaw nena indawr tulna thilah chuan email emaw electronic media dang emaw hman tangkai hram tur a ni.
7. Office dawr tur nilo thil zuar reng reng chu a theih chin chinah Office chhungah luhtir phal tur a ni lo.
