2622/2025-2026

Lawngtlai, the 11th December, 2025 : Vawiin chawhma dar 11:00 AM khan Pu Donny Lalruatsanga, Bawrhsap leh Chairman District Level Monitoring Committee kaihhruaina in a Office Chamber-ah National Mission on Natural Farming (NMNF) chungchangah thutkhawm neih a ni.

Pu Donny Lalruatsanga chuan DLMC member kalkhawmte hnenah lawmthu a sawi a. NMNF Scheme hi India rama leilung dan mila Lo neih dan tlo, him leh hrisel a awm theih nana hmalakna niin, thlai chinna leilung tihthat leh tihhrisel te leh kut hnathawktute senso tihtlem te a tum a ni, a ti. Thlai chin leh ranvulh kal kawppuina tur niin thlaite chu damdawi (chemical) tel lova, ran ek leh hnim tawih leitha (organic manure) hmanga chawma ranchaw tur pawh thlai tharchhuahte'n phuhruk tel nghal thei tura kawng kal nei taka hmalakna tur a nih thu a sawi. Chairman chuan National Mission on Natural Farming scheme - a hlawhtlin theih nan a theih tawp chuah theuh turin kalkhawmte a sawm nghal bawk a ni.

Pu Caleb Vanlalrinngama (ADAO) leh Member Secretary nibawk chuan NMNF kalpuina tur atana hmalak tawhna hrang hrang report pe in Lawngtlai District ah Cluster 10 - Lawngtlai Cluster, Kawlchaw cluster, Diltlang Cluster, Bungtlang South Cluster, Chamdur Cluster, Sangau Cluster, Lungpher Cluster, Golasury Cluster, Damdep Cluster leh Borkolok Cluster te thlan an nih thu a tarlang a. Cluster khat ah Farmer -125 awm in, Cluster- 10 ah Farmer- 1250 an awm a ni, a ti. Bio-input Resource Centres (BRC) atan hmun 5 - Diltlang South, Mampui, Chamdur P-II, Lungzarhtum, Betbonya leh Borkolok thlan niin, heng hmunah hian loneitute mamawh bio-inputs an siam chhuak ang a ti.

Thutkhawmah hian Cluster Resource Person (CRP) tan training nei tawh a nih thu ngaihthlak niin, Farmer leh Bio-Input Resource Centre (BRC) te mumal taka training pek nise an ti bawk a ni.

National Mission on Natural Farming (NMNF) chungchangah District Level Monitoring Committee (DLMC) hi district tina he scheme kalpuitu pawimawh tak a ni a . District Collector-te hian DLMC Chairman hna an thawk thin a, Committee-ah hian Project Director ATMA, Krishi Vigyan Kendra hotute, leh District Agriculture, Horticulture, leh Animal Husbandry Officer-te an tel a ni.