2031/2025-2026

Lawngtlai, 24th October, 2025 : Vawiin chawhma dar 11:00 AM khan Pu Donny Lalruatsanga, Deputy Commissioner, Lawngtlai kaihhruaina hnuaiah a Office Chamber-ah ' PM Vishwakarma' chungchang thlirhona neih a ni.

Pu Donny Lalruatsanga chuan kalkhawmte hnena lawmthu sawina a nei hmasa a. PM Vishwakarma - in a tum ber chu Mipui (artisan leh craftsperson) anmahni kutkea eizawngte tana tanpuina pe chhuak a, an kutchhuak tha zawk siamchhuah theihna tura training te, hmanrua man tlawm zawk hmanga an hna chhunzawm theihna tura puih leh, a tawp khawkah an sumdawnna hlawhtling zawk a siam zel tura tanpui a nih thu a sawi a. Lawngtlai District - a Department hrang hrang hmalakna hrechiang tura thutkhawm neih a ni chhoh zel tur thu a tarlang bawk.

He thutkhawmah hian Pi Biakchungnungi DCIO, chuan PM Vishwakarma, Lawngtlai District dinhmun leh hmalakna hrang hrang report a pe a. Tun dinhmunah Kamalanagar Govt. College -a traning buatsaih atangin Trained Artisan -19 awmin, Third Stage -ah applicant pending -166 a awm thu report ngaihthlak a ni.Sawrkarlaipui lamin 'guidelines' an tih damlam tak avangin Traning tur mi 100 neih tlin loh chuan mahni district ah traning a buatsaih theih loh thu sawiin,tunah hian heng trades- Goldsmith, Locksmith, Boat Maker leh Armourer -ah Registration tih theih a nih thu a tarlang bawk.

Vawiin PM Vishwakarma chunchang thutkhawmah hian 3rd Stage applicants pending - te approval hmuh thuai theih nan hmalak nise, Lawngtlai District -a applicant - 100 an tlin loh pawh a,  District danga traning theih dan ngaihtuah nise, heng trade an lo chhawpchhuah bak lawngtlai  district-  a traning tur tam zawk neih theihna tura  trade dil nise tih an rel a ni.